Caballero felicita aos traballadores e dirección de Benteler polo seu décimo aniversario

Caballero recordou que participara no 2006, daquela como presidente da Autoridade Portuaria de Vigo, na apertura dunha factoría que contaba entón con 76 traballadores e hoxe suma case 300 empregados. O alcalde subliñou asemade que Benteler exporta o 30% da súa produción, o que amosa o "gran desenvolvemento" dunha "gran industria" do ámbito da automoción viguesa. Ademais, amosouse satisfeito pola "enorme capacidade de Benteler para xerar valor engadido" e felicitou ao cadro de persoal e á dirección da empresa polo labor desenvolvido nestes anos que "merece o aplauso da cidade".