O alcalde explicou este luns que Vigo obtén o máximo recoñecemento neste certame bianual por quinta edición consecutiva: da primeira en 2008 á quinta este ano. Caballero subliñou que os cinco galardóns representan "o relato das prioridades urbanas e do que queremos facer" e avalan tanto a limpeza como a proposta medioambiental viguesa.
O CEIP Sárdoma Moledo presentoulle este luns ao rexedor e á primeira tenente de alcalde, Carmela Silva, o mural co que decoraron unha das paredes exteriores do centro, que é unha homenaxe ao escultor e canteiro Silva Novas. As creacións artísticas en centros de ensino é unha das actividades do II Programa Municipal para arrumbar medianeiras que este luns ofrece diante do MARCO o concerto de Su Garrido e Treme ás 20:30 horas.
A Xunta de Goberno Local deu luz verde tamén ao convenio de colaboración coa Asociación de Corais Polifónicas de Vigo que destina 25.000 euros para 108 actuacións do programa "Vigo, un mar de corais". O convenio coa Federación de Bandas Populares apoia o ciclo de concertos das nove formacións viguesas en toda a cidade. Ademais, está aberto o prazo de solicitude do boni-taxi para as persoas discapacitadas.
O alcalde, xunto aos artistas, presentou este luns o novo espectáculo de Álvaro e Suso Costas, MITIC, este domingo, 26 de xuño, ás 20 horas no Auditorio municipal do Concello, con entrada libre. O concerto, cunha quincena de músicos sobre o escenario, sae do rexistro habitual da gaita para ofrecer versións de Frank Sinatra ou Queen, entre outros.