Escoitar

Caballero eloxia a proposta de Alvaro e Suso Costas en MITIC, que "rompe os moldes" tradicionais da gaita

O alcalde, xunto aos artistas, presentou este luns o novo espectáculo de Álvaro e Suso Costas, MITIC, este domingo, 26 de xuño, ás 20 horas no Auditorio municipal do Concello, con entrada libre. O concerto, cunha quincena de músicos sobre o escenario, sae do rexistro habitual da gaita para ofrecer versións de Frank Sinatra ou Queen, entre outros.

luns, 20 xuñ 2016
1466428488mitic.JPG
Durante a presentación, Abel Caballero animou á cidadanía a presenciar este "espectáculo excepcional", un "proxecto de expansión" da gaita, "rompendo os moldes" deste instrumento para elevalo a unha "nova dimensión", segundo indicou.

O alcalde tamén salientou o percorrido da MITIC Tour 2016-2017. Ademais de Vigo, os músicos visitarán os teatros de Madrid, Barcelona, Sevilla, Valencia, A Coruña e Bilbao, en España, e visitarán Irlanda, Escocia, Cornualles, Isla de Man, Bretaña, Asturias e Gales.

O concerto vigués de Álvaro e Suso Costas terá lugar ás 20 horas deste domingo, 26 de xuño, no Auditorio municipal do Concello, con entrada libre. MITIC é o novidoso proxecto de expansión do instrumento máis emblemático da nosa terra a través dun espectáculo musical único, orixinal e pioneiro, dirixido e producido polos recoñecidos músicos vigueses Álvaro e Suso Costas.

É o primeiro espectáculo musical encabezado por unha gaita onde o instrumento rompe a etiqueta de "tradicional" para versionar a guitarra de Queen ou a voz de Frank Sinatra, entre outros, nun percorrido polo pasado e presente. Esta proposta faise realidade grazas a unha coidada instrumentación e a un elenco de trece reputados artistas.
Descargar todas as imaxes