xoves, 7 out 2010
Abel Caballero entrevistouse este xoves coa nova directora do Auditorio-Pazo de Congresos, Ascensión Durán, a presidenta da Federación de Empresas Organizadoras Profesionais de Congresos - OPC España. O seu "plan de actuación" para a infraestrutura pasa pola promoción do recinto e tamén da cidade en España. Segundo apuntou Caballero, a nova directora ve posibilidades de que Vigo poida entrar no circuito europeo de congresos.
mércores, 6 out 2010
A Xunta de Goberno Local celebrada este mércores deu o seu visto bo aos pregos para licitar obras de humanización en Vázquez Varela, Oporto, Cangas, Mestre Montes, Couto San Honorato, Martínez Garrido, Aragón, Asturias, Salvaterra e Ramón Nieto, por un importe superior aos 7 millóns. Caballero informou que os traballos, a iniciar a comezos de xaneiro, alongaranse entre 3 e 4 meses e defendeu a "urxencia" de reformar "viais urbanos de máxima importancia na cidade de Vigo".
mércores, 6 out 2010
O próximo día 10 de outubro conmemórase o Día Mundial da Saúde Mental e o alcalde invitou publicamente á cidadanía viguesa a sumarse as actividades programadas pola asociación Doa para a data. Segundo os datos da propia entidade, un 9% dos españois padecen algún tipo de trastorno mental. O Concello de Vigo continuará na "cooperación permanente" coa asociación e súmase á conmemoración da xornada, apuntou Caballero.
mércores, 6 out 2010
O alcalde de Vigo, Abel Caballero, acudiu este martes á presentación do novo "showroom" da R nas instalacións que a empresa galega ten en García Barbón. Este espazo, único en Galicia, foi deseñado polo arquitecto vigués Jesús Irisarri e concebido como un escaparate aberto para que a cidadanía viguesa poida achegarse un pouco máis á tecnoloxía.
martes, 5 out 2010
O alcalde, Abel Caballero, reuníuse este martes co responsable do Festival Aéreo Internacional de Vigo, Pablo González, para valorar o resultado do Festival Aéreo do pasado xullo, a edición con maior número de espectadores e que en 2010 superou a Barcelona. Cara ao 2011, a "vontade" municipal é continuar sendo "referencial" en España, para o que o alcalde iniciará hoxe as xestións co Embaixador de Canadá.
martes, 5 out 2010
Abel Caballero participou este martes na apertura da XII Edición de Conxemar, presentación na que tamén estivo presente o presidente da Xunta de Galicia, Alberto Núñez Feijóo, e a Ministra de Medioambiente, Elena Espinosa, entre outros. O alcalde cualificou esta feira de "acontecemento excepcional" de "importancia capital" xa que en Vigo se toman as grandes decisións no sector da pesca conxelada.
luns, 4 out 2010
Abel Caballero o avanzou na inauguración este luns da segunda fase da humanización da rúa Simón Bolivar, no treito entre Venezuela e a Praza Elíptica. En total, o Concello investíu un millón de euros nesta mellora que inclúe renovación das canalizacións de abastecemento e saneamento, novas e ampliadas beirarrúas de granito, arborado e xardineiras.
luns, 4 out 2010
O alcalde de Vigo eloxiou este luns o traballo realizado polos axentes da Policía Local e os efectivos de Bombeiros durante o temporal que asolou Vigo e Galicia principalmente na pasada xornada do domingo. Caballero cifrou en máis de 200 as saídas dos corpos municipais. Entre as consecuencias do mal tempo destacou a inundación do aparcadoiro de Fernando El Católico, ademais de elementos caídos ou en risco de caer en distintas fachadas de edificios.
luns, 4 out 2010
O alcalde, Abel Caballero, e o tenente de alcalde, Santi Domínguez, entre outros integrantes do goberno local, asistiron o pasado sábado á presentación na planta de Vigo de PSA Peugeot Citroën dos modelos eléctricos do grupo, o Peugeot iOn e o Citroën C-Zero, xa á venda. A posta de largo, á que acudiron representantes de varias administracións públicas, producíuse poucos días despois de que o grupo automobilístico confirmara que a factoría de Balaídos comezará a producir a finais de 2012 dous vehículos comerciais eléctricos.
venres, 1 out 2010
Abel Caballero transmitiullo este venres ao director da Comisión Técnica do Comité de Rutas de Galicia, Jacinto Parga, que o presentará na próxima reunión. O Concello entende que potenciar Vigo é o único xeito de que Galicia compita con Oporto, polo que é "central" reforzar as conexións nacionais -principalmente as de Madrid e Barcelona-, impulsar as rutas con Londres e Bruxelas e abrir un voo con Frankfurt.
