martes, 1 xul 2014
Abel Caballero presentou hoxe os 3+4 anos de goberno nos que "houbo unha revolución para mellorar a cidade e sobre todo aos que máis o precisan". Así o explicou no Auditorio Municipal onde detallo que nos últimos sete anos o Concello destiñou 150 millóns a política social e 45 millóns a accións directas de creación de emprego, unha cifra á que hai que sumar os 17.000 postos de traballo que xeraron as políticas keynesianas e que, entre outros aspectos, permitiron humanizar 510 rúas da cidade.
venres, 27 xuñ 2014
En verbas de Abel Caballero, o informe do Consello do Poder Xudicial que avala que Vigo manteña a súa demarcación obriga "moral e políticamente" ao Goberno central a recoñecer que "Vigo teña o seu propio desenvolvemento territorial no ámbito da xustiza". En rolda de prensa, o rexedor amosou a "súa satisfaccón" co dictame emitido polo órgano dos xuíces.
venres, 20 xuñ 2014
O alcalde de Vigo abogou pola cooperación á hora de abordar o futuro da loxística e o transporte en Vigo, referíndose a infraestruturas como o porto, o aeroporto, a ponte de Rande ou a autopista do mar. Así o indicou esta mañá durante a apertura das V xornadas da Fundación Provigo, Vigo ante o seu futuro.
xoves, 19 xuñ 2014
Abel Caballero sumouse hoxe ás críticas dos profesionais da sanidade pública que critican que o futuro hospital de Vigo non contemple laboratorios. Cualificou de "escándalo" que as mostras dos pacientes teñan que ser trasladadas ao Meixoeiro ou "eventualmente" a un laboratorio privado.
mércores, 18 xuñ 2014
Abel Caballero asegurou este mércores que "nos vale" a retirada da reorganización territorial -que fixa sedes únicas nas capitais de provincia- do anteproxecto de lei, que se manteña o sistema actual e, polo tanto, a autonomía xudicial de Vigo. O alcalde mantivo novas reunións cos procuradores e avogados.
martes, 17 xuñ 2014
Así o avanzou este martes Abel Caballero, despois da reunión mantida con responsables sindicais e tras o posicionamento da permanente do Consello Xeral do Poder Xudicial en favor do organigrama proposto polo Ministerio de Xustiza, que sitúa unha única sede nas capitais de provincia. O concerto, a primeira acción reivindicativa do partido xudicial de Vigo, será o 27 de xuño na Porta do Sol.
mércores, 11 xuñ 2014
O alcalde participou este mércores na visita realizada ao Ramón Margalef, "o mellor buque oceanográfico que hai en toda Europa", feito en Armón e botado en Vigo. O Instituto Español de Oceanografía celebra o seu centenario e Caballero trasladou o seu apoio e "recoñecemento" ao seu traballo tanto no Estado como na cidade.
martes, 10 xuñ 2014
O alcalde avanzou hoxe martes o rexeitamento unánime dos membros da Fundación Provigo a que a cidade perda o seu partido xudicial. Esta mañá, durante un encontro do Padroado, tamén decidiron encargar un informe para realizar un estudo sobre o posicionamento estratéxico de Vigo de cara a 2015.
xoves, 5 xuñ 2014
O Concello de Vigo celebra este xoves coa compañía o décimo aniversario da conexión entre Peinador e o Charles de Gaulle, o primeiro voo internacional galego e o único que actualmente opera sen ningunha achega pública. Caballero subliñou a importancia desta ruta, que conecta a Vigo con numerosos destinos internacionais.
luns, 2 xuñ 2014
Abel Caballero recibiu esta mañá a responsables da universidade de estudios internacionais de Biejing que preparan a estancia de grupos de estudantes que elixiron esta cidade para aprender o idioma. Durante o encontro, Caballero deulles a benvida á cidade e ofreceulles cooperación e apoio aos estudantes, que empezarán a chegar no mes de xullo.
