xoves, 21 out 2010
O alcalde de Vigo anunciou hoxe xoves que, dentro das accións programadas para a celebración do Bicentenario da Cidade, a Lotería Nacional realizará un sorteo o próximo xoves, 28 de outubro, cun billete especial pola efeméride viguesa. Este acto súmase ás actividades xa presentadas con Correos, como son o selo, o rodillo e o cuño do Bicentenario
xoves, 21 out 2010
O alcalde, Abel Caballero, asistiu hoxe xoves á posta en marcha por primeira vez na cidade de Picus, un tomógrafo sónico que diagnostica a saúde das árbores mediante ondas e sensores electrónicos. O olivo do Paseo de Alfonso, presente no escudo da cidade", ten 193 anos e presenta un "estado correcto para a súa idade", apuntou o primeiro edil.
xoves, 21 out 2010
Abel Caballero felicitou este xoves á comunidade universitaria de Vigo e ás entidades colaboradoras do Campus do Mar, despois de recibir hoxe a calificación de excelencia internacional por parte do Ministerio de Educación. O alcalde, que estivo presente no acto de presentación do proxecto o pasado martes, eloxiou esta "magnífica nova" que contará cunha achega orzamentaria este ano de 5,3 millóns de euros.
mércores, 20 out 2010
Abel Caballero e Alberto Lafuente presentaron este mércores en Madrid o selo personalizado, o cuño e o rodete especiais do Bicentenario da Cidade de Vigo. O selo, presentado na Real Casa da Moeda, é autoadhesivo e de tarifa A, válido para unha carta normalizada de ámbito nacional. A celebración viguesa inclúe recitais, exposicións, concertos, teatro e a apertura da Praza do Bicentenario o próximo 27 de outubro
luns, 18 out 2010
O alcalde de Vigo salientou hoxe luns o "legado" que poñen "a disposición de Vigo" os 35 artistas participantes na mostra Vigo é Cor, organizada dentro da programación do Bicentenario da Cidade coa presenza de pintores como Quesada, Silveira ou Magalhaes, entre outros. A exposición abrirase mañá martes no Centro Cultural Caixanova, onde permanecerá ata finais de novembro. Na súa maioría, as obras foron creadas expresamente para a celebración do Bicentenario da Cidade.
luns, 18 out 2010
O alcalde e membros da constructora visitaron este luns a última fase do novo aparcamento soterrado en Policarpo Sanz e García Barbón, que estará rematado na segunda quincena de decembro, cumprindo "escrupulosamente" cos prazos previstos ao inicio da obra. Caballero felicitou á empresa tanto polo aparcamento como pola humanización "exemplar" en superficie, que "responde ás expectativas que tiñamos".
luns, 18 out 2010
Abel Caballero avanzou este luns que a Xerencia de Urbanismo do próximo xoves aprobará a suspensión de licenzas no ámbito e iniciará o procedemento de modificación puntual do Plan Especial de Protección e Reforma Interior do Casco Vello para evitar a edificación na parcela e "recuperar para a cidadanía" a Panificadora. Os usos pasarán a ser maioritariamente públicos. "Vigo ten que manter e recuperar as súas tradicións", concluíu.
venres, 15 out 2010
O alcalde, Abel Caballero, e os concelleiros de Participación Cidadá e Cultura, Santos Héctor e Xesus López, respectivamente, acompañaron ao presidente da Asociación na presentación do libro "Saiáns de onte a hoxe", editado en conmemoración do trixésimo aniversario da Asociación Veciñal, Cultural e Deportiva "San Xurxo" de Saiáns. A publicación repasa a historia da parroquia e da propia entidade.
venres, 15 out 2010
Abel Caballero asistiu á inauguración formal das humanizadas rúas Tarragona e Regueiro, na zona de POVISA, onde o Concello investiu 1,2 millóns de euros. No entorno, explicou o alcalde, o goberno local acometeu reformas nunha docena de rúas por valor de 12,3 millóns, cunha perspectiva de "modernidade" ao combinar melloras en superficie coa renovación das redes de servizo soterradas.
venres, 15 out 2010
O alcalde galardoou hoxe venres con serigrafías institucionais a varios investigadores do centro vigués do Instituto Español de Oceanografía, pola alta repercusión dos seus traballos en publicacións especializadas de alto impacto. O equipo de Hidrocarburos do Departamento de Contaminación Mariña foi recoñecido en particular polo seguemento e avaliación do impacto do verquido do Prestige na costa galega.