Esta actividade está enmarcada dentro dos actos do Bicentenario
mércores, 3 nov 2010
A Orquestra de Vento e a Orquestra Sinfónica do Conservatorio actuarán esta tarde e mañá xoves a partires das 20:00 horas con entrada libre. O próximo sábado, 6 de novembro, a nova Praza do Bicentenario acollerá o Festival Folclórico organizado polo Bicentenario da Cidade. Os alumnos da Escola Superior de Arte Dramática (ESAD) seguen coas representacións teatrais dirixidas a escolares e ao público en xeral.
mércores, 3 nov 2010
Abel Caballero recibiu na mañá deste mércores a cooperantes desta Fundación que traballa en África Central para explorar e estudar a viabilidade de construír pozos de barrena nunha poboación fortemente castigada pola sequía. O alcalde loou o seu traballo e avanzou que terán a cooperación do Concello de Vigo.
mércores, 3 nov 2010
O alcalde destaca o apoio do goberno municipal aos representantes das navieiras adxudicatarias dos tráficos de PSA Peugeot Citröen e insiste en que se trata de emendar un "erro histórico do Porto de Vigo". Abel Caballero recibiu na mañá deste mércores a representantes das compañías CMHF (Compañía Marítima Hispano Francesa) e UECC, para trasladarlles o seu apoio na consecución da autoestrada do mar de Vigo
martes, 2 nov 2010
O alcalde, Abel Caballero, e o Valedor do Cidadá, Luis Espada, presentaron este martes "A accesibilidade aos servizos básicos", un traballo dirixido polo Valedor que analiza as facilidades que ten o cidadá a 300 metros. Con respecto a 2003, Vigo mellora en espazos deportivos, entidades financeiras transporte público e reciclaxe, e os dous últimos indicadores tamén superan a media europea.
martes, 2 nov 2010
Abel Caballero reuníuse este martes con responsables da Asociación de Industriais Metalúrxicos de Galicia para estudar a actual situación do naval da Ría de Vigo e de Factoria Vulcano en particular. O alcalde ofreceulles trasladar as propostas do sector, en "dificultades" e necesitado de "impulso", a Santiago e Madrid e amosou novamento o seu "apoio absoluto" ao naval e á continuación da construción o buque 533 en Vulcano.
venres, 29 out 2010
O Auditorio da Escola Superior de Arte Dramática (ESAD) acolleu na mañá deste venres a primeira das obras de teatro que están a levar á escena os alumnos e membros de Navia de Espectáculos. Á primeira escenificación, que no caso desta obra concreta está dirixida a escolares da cidade, asistiu o concelleiro socialista Xulio Calviño. Os días 12 e 26 de novembro rapaces de distintos colexios volverán a gozar con esta adaptación dunha peza de Carlos Casares.
venres, 29 out 2010
Abel Caballero asistiu na mañá deste venres ao acto institucional de conmemoración do vixésimo quinto aniversario do nacemento da Escola de Telecomunicacións, evento no que participaron unha ampla representación dos 3.000 titulados. O 2 de novemebro de 1985 comzaron a impartirse as clases convertíndose entón na terceira escola desta rama da enxeñería en España.
mércores, 27 out 2010
Con motivo da celebración do Bicentenario de Vigo o xornalista Juan Ramón Lucas e o seu equipo realizaron na mañá deste mércores desde o Auditorio Municipal de Vigo o programa "En días como Hoy". Desde as 7 da mañá e ata as 12 do mediodía persoaxes significativos da nosa cidade estiveron nos micrófonos de RNE para falar de temas relevantes para Vigo coma os proxectos de futuro, o sector do automóvil ou o Campus do Mar.
mércores, 27 out 2010
O alcalde de Vigo, membros da Corporación e distintas personalidades da cidade asistiron este mércores á inauguración da nova Praza do Bicentenario, fronte á Praza do Rei, descoberta por estudantes do colexio Josefa Alonso de Matamá. O artista, Silverio Rivas, esculpíu en aceiro a torre e o olivo da cidade, que incorpora en cada póla "o nome das 23 parroquias que conforman a cidade". Abel Caballero eloxiou a "peza única" e indicou que esta recolle o carácter vigués: "sabemos de onde vimos, onde estamos e onde imos".
mércores, 27 out 2010
Dentro dos actos conmemorativos do Bicentenario da Cidade, o Concello distinguiu este mércores nun acto institucional a dez entidades "que desempeñaron e desempeñan un papel clave na configuración do Vigo heteroxéneo do século XXI", segundo indicou o alcalde. Os recoñecementos recairon en Caixanova, no Celta de Vigo, en PSA Peugeot Citroën, na Cooperativa de Armadores -en representación do sector pesqueiro-, no Faro de Vigo, en Hijos de Barreras -no nome do naval vigués-, no Porto, en Radio Vigo, na Universidade e na Zona Franca.
