luns, 20 dec 2010
O alcalde e os concelleiros de Vías e Obras, Isaura Abelairas, e de Promoción Económica e Emprego, Santos Héctor, visitaron este luns o mercado de Teis e o seu entorno para coñecer de primeira man as necesidades do barrio vigués e dos comerciantes, tal e como fixo en pasadas datas no Progreso, nas Travesas e no Calvario. Abel Caballero charlou cos veciños e os usuarios do mercado e coñeceu as súas demandas.
venres, 17 dec 2010
Unha quincena de cidadáns deron lectura este venres a unha serie de textos literarios vencellados con Vigo, recintal que rematou Abel Caballero coas Cantigas de Martín Códax e que serviu para abrir a humanización de Policarpo Sanz. O grupo Troula animou a visita á rúa coa percusión. O alcalde salientou que "estou convencido de que, hoxe, esta é a verdadeira milla de ouro de Europa" e agradeceu o esforzo da empresa, arquitectos, traballadores, veciños e comerciantes da zona.
xoves, 16 dec 2010
Abel Caballero e a senadora pola provincia, Carmela Silva, antiga veciña da rúa, inauguraron hoxe xoves cos veciños á reforma da Espedrigada, en Balaídos, onde o Concello investíu case 350.000 euros na pavimentación, renovación do abastecemento e construción dunha beirarrúa. O alcalde recordou que "en Vigo, todos os cidadáns son iguais" e reiterou a "vontade" municipal de "seguir humanizando todas as zonas da cidade".
xoves, 16 dec 2010
O alcalde de Vigo e o concelleiro de Urbanismo, José Mariño, entrevistáronse coa directiva do colexio Martín Códax este xoves para abordar conxuntamente o proxecto do centro educativo de ampliar as súas instalacións, proposta que Abel Caballero ve "con bos ollos". O rexedor vigués reiterou que "a educación é un elemento central na nosa forma de entender Vigo".
mércores, 15 dec 2010
O alcalde e as concelleiras de Medioambiente, Chus Lago, e de Vías e Obras, Isaura Abelairas, visitaron este martes o entorno do mercado de Travesas coa xerencia do mercado e do supermercado Mercadona da praza superior. Caballero puido coñecer de primeria man as necesidades do barrio vigués e a opinión da veciñanza.
mércores, 15 dec 2010
Abel Caballero visitou hoxe mércores os traballos de humanización da rúa López Mora, con case 3,5 millóns de euros de investimento, unha obra que emprega de xeito directo a 24 persoas durante medio ano, ademais dos postos de traballo indirectos que supón o granito elaborado no área de Vigo. O alcalde tamén subliñou a renovación das canalizacións soterradas de abastecemento e saneamento "nunha das zonas que máis o necesitaba".
mércores, 15 dec 2010
Abel Caballero anunciou este mércores o envío dunha carta á Xunta de Galicia reclamando a transferencia da titularidade da parte do vial PO-325 (que une a cidade con A Ramallosa) que pasa por Vigo. O alcalde recordou que tamén "estamos na tramitación" da cesión da Avenida de Madrid, desde Puxeiros ata a Praza de España, como parte da política municipal de que "todas as competencias que teñan que ver coa atención aos cidadáns as teñamos no Concello".
martes, 14 dec 2010
O alcalde e os concelleiros de Promoción Económica e Emprego, Medioambiente e Transporte e Seguridade visitaron este martes o entorno do mercado do Calvario para pulsar as necesidades do barrio vigués e coñecer de primeira man as demandas da veciñanza.
martes, 14 dec 2010
Abel Caballero cualificou de "excepcional" a humanización das dúas rúas viguesas, "mantendo as prazas de aparcamento" nunha "das zonas máis dignas da cidade". A reforma inclúe a renovación das redes de saneamento, abastecemento e a canalización das augas pluviais, a instalación de novos puntos de luz, bancos, papeleiras, arborado e xardineiras.
luns, 13 dec 2010
O equipo de Montserrat Domínguez desprazouse onte domingo ata o Museo de Arte Contemporánea de Vigo (MARCO) para retransmitir o seu programa matinal da fin de semana "A vivir que son dos días", dentro da programación do Bicentenario da Cidade. O espazo radiofónico repasou a historia da cidade con entrevistas ao alcalde de Vigo, Abel Caballero, e ao director do Museo Quiñones de León, Pepe Ballesta, entre outros.
