venres, 10 dec 2010
Abel Caballero anunciou hoxe venres en Navia que o Concello, a través do programa municipal de emprego UTIL, acondicionará os espazos abertos entre os edificios do populoso barrio vigués, no que habitan sobre 15.000 persoas. O alcalde recordou que estes espazos son competencia da Xunta de Galicia, pero ante o abandono actual o Concello acometerá a reforma e pasará posteriormente o custo da mesma ao goberno autonómico.
xoves, 9 dec 2010
O alcalde de Vigo e Óscar Pereiro reuníronse este xoves para estudar as posibles vias de cooperación na cidade olívica do Concello coa Fundación que dirixe o ciclista de Mos. Segundo apuntou Caballero, as accións conxuntas irán destinadas a fins sociais -particularmente a recabación de fondos contra o cancro- e tamén se estuda a promoción do uso da bicicleta entre a xuventude viguesa.
xoves, 9 dec 2010
Abel Caballero recibiu na tarde deste xoves aos membros da Federación de Peñas Recreativas "El Olivo", entidade que aproveitou a visita para presentar á nova xunta directiva. Durante preto dunha hora alcalde e membros da Federación realizaron un repaso aos proxectos de El Olivo e a temas de actualidade.
xoves, 9 dec 2010
O alcalde de Vigo visitou este xoves os traballos de reforma e acondicionamento das instalacións deportivas da ETEA, onde estimou que a inicios do próximo mes de abril poderán estar abertas ao público. Esta reforma integral, "das máis demandadas desta cidade", conleva un investimento de 850.000 euros para a mellora da piscina, o pavillón deportivo, os vestíbulos e accesos.
martes, 7 dec 2010
A concelleira socialista afirmou que o alcalde transmitiu a proposta a membros do colectivo Imán, tras celebrar un encontro na mañá deste martes. Díaz insistiu en que é necesario dar unha solución inmediata as persoas sen teito mentres non se pecha o emprazamento definitivo.
martes, 7 dec 2010
Así o asegurou o alcalde de Vigo, Abel Caballero, tras visitar na mañá deste martes os traballos que se están a levar a cabo nesta rúa. Caballero explicou que a inversión de 1,2 millóns de euros da resposta as necesidades dun estrada que estaba nun "estado lamentable e moi deteriorada". O rexedor mantén que a principios de xaneiro o arquitecto Thom Mayne estará en Vigo para presentar o proxecto da nova estación de Urzáiz que terá a súa entrada á altura desta rúa.
venres, 3 dec 2010
O alcalde de Vigo e o concelleiro de Tráfico, Mobilidade e Seguridade, Xulio Calviño entregaron na mañá deste venres os diplomas a seis policías locais xubilados que adicaron 40 anos da súa vida "a traballar con gran empeño". O rexedor eloxiou a labor dos case que 400 efectivos locais que percorren a diario as rúas da cidade.
venres, 3 dec 2010
O alcalde de Vigo anunciou que o seu obxectivo é que sexan os cidadáns os que decidan o nome do Auditorio Pazo de Congresos e para elo convocarase un concurso público no que os cidadáns aportarán as súas ideas. Haberá distintos recoñecementos, tal e como adiantou o rexedor, ademais dun xurado encargado de determinar a elección final
xoves, 2 dec 2010
O alcalde de Vigo, Abel Caballero, e a delegada do Consorcio da Zona Franca acordaron, nun encontro celebrado na mañá deste xoves, que o organismo estatal intensificará as inversións en solo industrial e "acelerará os seus proxectos de inversión". Tal e como explicou o rexedor socialista hai consciencia de que "unha vez que Vigo saia da crise económica" a área viguesa necesitará solo industrial dispoñible". Segundo o acordado na reunión, Caballero avanzou que Zona Franca "arrancará de xeito inmediato o edificio do Parque Tecnolóxico".
