mércores, 31 mar 2010
Tras unha concentración á porta do Concello, o alcalde conversou cos traballadores e comunicoulles que solicitará unha reunión a tres bandas entre o Concello, o SERGAS e a Cruz Vermella -solicitada polo persoal- para evitar o peche do hospital de Cánovas del Castillo. Abel Caballero demandou que "permaneza aberto" pois é "necesario em termos sanitarios e laborais".
mércores, 31 mar 2010
Segundo informou este mércores Abel Caballero, a Xunta de Goberno Local validou a adxudicación provisional de direccións de obras de humanización en cinco rúas da cidade por valor total de 9,2 millóns de euros, con cargo ao Plan E do Goberno de España para 2010. O alcalde anunciou asemade que a próxima semana terá lugar a aprobación definitiva dos orzamentos municipais, que inclúen 25 millóns de euros máis de investimentos.
martes, 30 mar 2010
Abel Caballero encabezou este martes a delegación municipal na apertura da humanizada rúa Cristo, no Calvario, "unha rúa que formaba parte da marxinalidade de Vigo ata o de agora". A veciñanza levaba "40 anos" agardando por unha mellora destas características, que contempla a renovación das redes soterradas, arborado, novos puntos de luz e xardineiras colgantes.
venres, 26 mar 2010
O sábado 27 de marzo Vigo sumaráse a Hora do Planeta entre as 20:30 e as 21:30 horas como xa o fixo en anos precedentes. O acto, promovido por wwf Adena, pretende facer unha chamada de atención sobre a necesidade de aforro de emisións de CO2 e da loita contra o cambio climático e o quentamento global.
venres, 26 mar 2010
O secretario de Estado de Cooperación Territorial, Gaspar Zarrías, confirmou hoxe na cidade que Vigo ten validadaos todos os proxectos presentados polo Concello ao Fondo Estatal para el Empleo y la Sostenibilidad Local (FEESL). Zarrías asegurou que "Vigo cumpriu cos requisitos da nova tipología" do fondo; tipoloxía que o Goberno quere que xire cara a sostenibilidade desde o punto de vista económico, social e ambiental, na liña dos parámetros do texto da Lei de Economía Sostible aprobada recentemente polo Consello de Ministros. Segundo explicou o Secretario de Estado os concellos teñen un papel fundamental no desenvolvemento desta lei.
venres, 26 mar 2010
Abel Caballero anunciou este venres o envio dunha carta ao presidente da Xunta de Galicia, Alberto Núñez Feijóo, na que lle solicita unha reunión para "inmediatamente" abrir o diálogo de cara a "transformar o proxecto privado dun hospital <de Vigo> en proxecto público dun hospital". Esta solicitude está respalda por "case 50.000 persoas" que onte xoves manifestáronse na cidade olívica "en defensa da sanidade pública", concluíu.
xoves, 25 mar 2010
Espacio Atlántico e o MARCO, Museo de Arte Contemporánea de Vigo, asinaron hoxe xoves 25 de marzo un convenio polo que a feira de arte de Vigo cede en depósito ao centro as obras que integran a Colección Espacio Atlántico, iniciada este ano 2010 coa adquisición de traballos de sete artistas: o brasileiro José Bechara, o portugués Francisco Tropa, os españois Ana Soler e Karmelo Bermejo, e os galegos Misha Bies Golas e Antía Moure. A directora da feira, Marta Scarpellini, e o presidente do Padroado do MARCO e alcalde de Vigo, Abel Caballero, fixeron efectiva a sinatura do convenio na sede do museo vigués, que xa acolle esta colección que se integrará en futuras exposicións.
mércores, 24 mar 2010
Abel Caballero asegurou este martes, tras unha reunión cos conselleiros de Mar e Medioambiente, que "estamos en camino dun acordo" coa Xunta para a ETEA. O alcalde engadíu que a coincidencia entre as administracións radica na cesión de espazos para o Campus do Mar, na negativa a un porto deportivo, en abrir o espazo marítimo e deportivo á cidadanía e na construcción dun centro de maiores. A Xunta, que remitirá a súa proposta ao Concello, podería incluir vivenda na zona, o que o alcalde non ve necesario.
martes, 23 mar 2010
Abel Caballero asegurou este martes que a concesión do dominio está "falado e acordado" e falta unicamente a ratificación oficial. O paseo implicará o derrubo "en semanas" dos muros que separan o antigo recinto militar das praias de A Punta e Ríos, a retirada do vallado e a unión de ambos areais cun paseo marítimo a través da ETEA. O proxecto está "ao borde de ser licitado" por case un millón de euros e permitirá que "todo o ámbito marítimo quedará aberto e de uso cidadá", asegurou o alcalde.
mércores, 17 mar 2010
Tras unha reunión coa Plataforma pola Defensa da Sanidade Pública, Abel Caballero amosou este mércores o seu "apoio absoluto" ás tesis do colectivo, e reclamou á Xunta de Galicia un novo hospital público, con 1.450 camas, de financiamento público e áreas de investigación referenciais. Este modelo, "garantía" da calidade asistencial e "perfectamente viable", rixe nos restantes hospitais galegos, o mesmo que o alcalde demanda para Vigo.
