martes, 3 ago 2010
Abel Caballero anunciou hoxe martes en rolda de prensa que a antiga Escola de Transmisións e Electrónica da Armada (ETEA) permanecerá aberta as 24 horas do día para "devolvela aos cidadáns" e esixíulle tamén a Xunta de Galicia a retirada no prazo máximo dun mes do valado do recinto, ou que este se axuste á propiedade autonómica. O Concello procederá á retirada se a Xunta de Galicia non o efectúa, xa que está localizado en solo municipal.
venres, 30 xul 2010
Abel Caballero reuniuse hoxe venres cunha representación veciñal da propiedade, tras a sentencia xudicial que invalida a orde de derrubo do edificio. O alcalde reiterou que a subsanada ilegalidade da edificación debeuse a un erro administrativo municipal e non a un "pelotazo urbanístico", e adiantou que esta legalización non significa que o resto de propiedades amenazadas corran a mesma sorte nos tribunais.
venres, 30 xul 2010
A reforma na ponte que sobrepasa a AP-9 en Teis -que causou onte xoves retencións de tráfico- alongarase ata o luns, polo que o alcalde, Abel Caballero, recomendou evitar ese tramo do vial e empregar outros accesos á cidade, como a Avenida de Madrid ou o segundo cinto a Navia. A autopista ten actualmente dous carrís de saída e un lento de entrada. Dependendo das retencións, os vehículos serán desviados por Rande-Puxeiros, apuntou Caballero.
mércores, 28 xul 2010
O alcalde de Vigo, Abel Caballero, mantivo este mércores unha entrevista co Grupo Etra, empresa que ofrece a instalación nas comunidades de propietarios de "enchufes intelixentes" para a recarga dos vehículos eléctricos. O Concello pecha así o círculo de entrevistas para o proxecto de converter a Vigo en cidade piloto na materia, e está en disposición de formalizar ante Industria esta opción, indicou o socialista.
mércores, 28 xul 2010
O alcalde entrevistouse este mércores coa nova diretiva do Instituto de Estudios Vigueses, cos que abordou a súa futura ubicación e estudaron conxuntamente a posibilidade de incorporar aos festexos de Bicentenario a mostra de distintos filmes inéditos antigos que amosan a cidade de Vigo. Un deles, que data de 1927, terá que ser restaurado en Madrid. Caballero fixou novembro como obxectivo para as representacións.
venres, 23 xul 2010
Orde do día no ficheiro adxunto
venres, 23 xul 2010
Abel Caballero e o concelleiro de Promoción Económica, Santos Héctor, reuníronse neste venres co presidente da organismo para falar da situación deste sector nunha cidade que concentra o maior número de autónomos da comunidade galega. O alcalde manifestóulles que terán o apoio do Concello e quedaron en manter próximas reunións.
venres, 23 xul 2010
O alcalde vigués convocará para o próximo martes ás concesionarias que executan as obras municipais para poñelas en coñecemento das condicións laborais ás que se deben axustar. O rexedor asegurou que todas ellas teñen a obriga de xerar emprego con traballadores procedentes das listas do INEM de Vigo, ademáis de respectar as condicións laborais que se lles esixen.
venres, 23 xul 2010
Abel Caballero presentou esta mañá en Samil a nova maquinaria que asegura mellores condicións de traballo e de uso. Son en total 14 vehículos de diferentes características que se poñen en funcionamento para a limpeza no rural e nas zonas de praias do municipio e para as que o concello vigués destinou 1.230.000 euros
venres, 23 xul 2010
Tal e como estaba previsto o Concello instalou xa as xaulas de atrape en distintos puntos da cidade para proceder á esterilización e posterior solta dos gatos salvaxes. O plan é fruto dun convenio de colaboración asinado entre o alcalde de Vigo, os colexios de Biólogos de Galicia e de Veterinarios de Pontevedra e a Sociedade Protectora de Animais e Prantas de Vigo.