xoves, 16 out 2008
O tenente de alcalde, Santi Domínguez, destacou este xoves o éxito que dende a primeira convocatoria, hai xa cinco anos, ten acadado entre os profesionais o Salón de Denominacións de Orixe e Delicatessen, que se celebrará entre o 21 e o23 de outubro no Instituto Feiral de Vigo. O tenente de alcalde tamén subliñou na presentación do evento, no que estivo acompañado pola responsable da empresa organizadora, Ana Montenegro, o director de Márketing de Caixanova, Jorge Santo e o xerente do IFEVI, Arsenio Prieto, que este certame estase a converter "nun clásico da programación do recinto feiral vigués".
mércores, 15 out 2008
O tenente de alcalde, Santi Domínguez, salientou este mércores que Vigofeira, que se celebrará do 25 de outubro ao 2 de novembro no Instituto Feiral de Vigo, "xa se ten consolidado como referente da Eurorrexión Galicia – Norte de Portugal así como dos países hispanoamericanos". O tenente de alcalde así o subliñou na presentación deste evento, no que estivo acompañado polo xerente do IFEVI, Arsenio Prieto, e o representante da empresa organizadora da feira, Planner Proceltha, Pedro Corbacho.
xoves, 9 out 2008
O presidente do Consorcio do Casco Vello e tenente de alcalde de Vigo, Santi Domínguez, anunciou este xoves que ata final de ano o Consorcio investira un total de 220.000 euros no desenvolvemento de obras de mellora no entramado viario do barrio histórico vigués. Domínguez realizou este anuncio tras unha reunión celebrada no Centro Cívico do Casco Vello na que participaron todos os colectivos e empresas que na actualidade realizan actuacións nesta zona, que ten como obxectivo coordinar os diversos traballos que se están a levar a cabo.
martes, 30 set 2008
O tenente de alcalde, Santi Domínguez, inaugurou hoxe unha nova edición da Festa do Comercio que nesta ocasión chega á zona centro da cidade. Ao longo de toda esta semana desenvolveranse na Praza do Progreso distintas actividades para os cativos, obradoiros e concursos cos que se persigue o obxectivo de dinamizar comercialmente, o que o nacionalista denominou como "pulmón comercial da cidade".
xoves, 25 set 2008
A Axencia da Enerxía de Vigo asumirá a xestión e explotación da planta solar fotovoltaica que a Consellería de Vivenda instalará na nova zona verde de Navia, segundo anunciou hoxe o tenente de alcalde e presidente da Axencia da Enerxía ao remate da xuntanza do seu padroado. A instalación xerará electricidade mediante paneis solares para inxectala directamente na rede de distribución eléctrica.
xoves, 18 set 2008
O tenente de alcalde, Santi Domínguez, trasladou hoxe o seu respaldo aos representantes da Federación de Asociacións de Veciños de Vigo "Eduardo Chao" a respecto da iniciativa popular que presentaron para que o Parlamento galego acepte debatir a Lei de Área Metropolitana de Vigo. Dominguez coincide coa Federación Veciñal en que non se pode retrasar máis un debate que é fundamental para o desenvolvemento futuro de Vigo e a súa área de influencia.
venres, 12 set 2008
O tenente de alcalde, Santi Domínguez, e o presidente da Autoridade Portuaria, Xesús Paz, inauguraron hoxe as Xornadas Marisqueiras "Vigomar 2008", nun acto no que o pregoeiro, o xornalista Jacobo Buceta, ensalzou as bondades do noso marisco e da nosa cociña frente as novas tendencias culinarias que se están impoñendo. Ata o domingo repartiranse unhas 60 toneladas de marisco.
mércores, 10 set 2008
O tenente de alcalde, Santi Domínguez, e o presidente do Porto, Xesús Paz, presentaron hoxe as VI Xornadas Gastronómicas e Marisqueiras "VigoMar 2008) que se desenvolverán os días 12, 13 e 14 deste mes no Porto Pesqueiro do Berbés. Os organizadores explicaron que se poderán degustar ata 42 variedades de mariscos e tamén se incorporan nesta edición algúns pescados. Estímase que durante os tres días das Xornadas se repartan unhas 60 toneladas de marisco.
martes, 9 set 2008
Os tenentes de alcalde de Vigo, Santi Domínguez, e Ourense, Alexandre Sánchez Vidal, expresaron hoxe o seu convencemento de que será necesario un investimento superior ao 8% previsto polo Goberno central nos orzamentos destinados a Galiza para que se poidan cumprir os prazos da chegada do AVE as dúas cidades. Domínguez e Sáchez Vidal manifestaron o seu apoio aos alcaldes de Vigo e Ourense en todas aquelas iniciativas que leven adiante para esixir o cumprimento dos compromisos feitos.
venres, 5 set 2008
O tenente de alcalde, Santi Domínguez, amosou hoxe o seu convencemento de que o novo curso que agora se inicia consolidará a acción do Goberno coa posta en marcha dos grandes proxectos e investimentos. "Como Goberno o 2009 ten que ser o ano de elevar o listón. Temos que acelerar porque a cidadanía xa intúe que hai un Goberno maduro que agora ten que entrar na concreción", sinalou o tenente de alcalde nun almorzo de traballo que mantivo hoxe cos medios de comunicación da cidade.
