O tenente de alcalde e o reitor da Universidade de Vigo asinaron un convenio para reactivar o emprego xuvenil

mércores, 18 mai 2011

O tenente de alcalde, Santi Domínguez, a concelleira de Xuventude, Iolanda Veloso, e o reitor da Universidade de Vigo, Salustiano Mato, asinaron este mércores un protocolo de colaboración para potenciar o acceso dos mozos e mozas ao mercado laboral, mediante a posta en marcha do Plan Integral de Emprego Xuvenil. Asinouse tamén un convenio para fomentar o traballo en rede no eido cultural entre a Tenencia de Alcaldía, a Concellería de Cultura e a Universidade.

Santi Domínguez salienta o traballo que Benestar Social está a facer na prevención das drogodepencias

xoves, 12 mai 2011

O tenente de alcalde, Santi Domínguez, e a concelleira de Benestar Social, María Méndez, inauguraron este xoves a octava edición das Xornadas do Plan de Drogas e outras adiccións. Na súa intervención, o nacionalista recoñeceu a labor feito nestes catro anos por todos os e as profesionais que traballan neste eido e salientou que só neste último ano, máis de 10.000 mozos e mozas "tiveron a oportunidade de participar nas actividades de prevención desenvolvidas nos centros escolares".

O tenente de alcalde anima a asistir mañá xoves ao concerto de presentación do Coro Xuvenil Xovigo no Auditorio Municipal

mércores, 11 mai 2011

O tenente de alcalde, Santi Domínguez, presentou este mércores o concerto de presentación do Coro Xuvenil Xovigo, que terá lugar mañá no Auditorio Municipal ás 20.30 horas, cun programa que inclúe temas de música tradicional galega como "Aí vén o maio" ou "Cantares" de Joan Manuel Serrat baseado en textos de Antonio Machado. O nacionalista destacou esta iniciativa naceu co obxectivo de "captar xóvenes valores para a música" e poñer a súa disposición instrumentos "para que poidan amosar os seus talentos".

Os actos do Día das Letras comezan hoxe martes cun contacontos e o 15 de maio celebrarase en Castrelos a Festa das Letras

martes, 10 mai 2011

O tenente de alcalde, Santi Domínguez, a concelleira de Normalización Lingüística, Iolanda Veloso, e o concelleiro de Cultura, Xesus López, presentaron este martes a programación organizada con motivo do Día das Letras Galegas, que comeza hoxe cun contacontos a cargo de Helena Faria. Santi Domínguez destacou que as actividades propostas son "o colofón ao que vimos facendo na posta en valor da nosa lingua e a nosa cultura". O nacionalista salientou tamén que o prato forte da programación será o 15 de maio en Castrelos, onde se celebrará a IV Festa das Letras.

O tenente de alcalde expresa a súa satisfacción polo incremento das vendas no mercado provisional de O Progreso

venres, 6 mai 2011

O tenente de alcalde e concelleiro de Comercio, Santi Domínguez, visitou este venres as instalacións provisionais do mercado de O Progreso, que permanecerá na praza superior o tempo que duren as obras de remodelación. O nacionalista amosou a súa satisfacción polo incremento do 20% nas vendas, que segundo os vendedores e vendedoras deste mercado municipal se rexistraron onte despois de realizar o traslado á zona superior.

Santi Domínguez di que o concerto que Dani Martín ofrecerá o 20 de maio reflicte a aposta pola diversificación do Ifevi

mércores, 4 mai 2011

O tenente de alcalde, Santi Domínguez, presentou este mércores o concerto que o artista Dani Martín, ex integrante de El Canto del Loco, ofrecerá o vindeiro 20 de maio no Ifevi ás 22.30 horas. O nacionalista asegurou que esta actuación enmárcase na "aposta iniciada hai catro anos pola diversificación", para que ademais de escenario de congresos e feiras o Ifevi sexa tamén "escenario emblemático de concertos e eventos culturais".

Santi Domínguez anuncia que o venres comeza a funcionar o bus eléctrico como impulso á mobilidade do Casco Vello

luns, 2 mai 2011

O tenente de alcalde, Santi Domínguez, anunciou hoxe que o vindeiro venres entrará en funcionamento o bus eléctrico do Casco Vello. Segundo destacou o nacionalista a implantación deste transporte público, que será de uso gratuíto ao longo do primeiro mes no que está en fase de probas, supón un paso máis na recuperación do Casco Vello "que iniciamos neste mandato" e no obxectivo de mellorar a mobilidade do barrio.

Santi Domínguez afirma que é "un luxo" para a cidade ter un evento como o Racingshow, que se celebra mañá no Ifevi

venres, 29 abr 2011

O tenente de alcalde, Santi Domínguez, asegurou este venres que é "un luxo" para Vigo contar cun evento como o Racingshow Novacaixagalicia, que celebrará mañá a súa quinta edición no Instituto Feiral de Vigo. Segundo o nacionalista, trátase dun "evento perfecto", xa que nel participan grandes pilotos, como Markku Alen ou Stig Blomkvist, presente na comparecencia, ao mesmo tempo que "grandes promesas galegas teñen neste certame a súa oportunidade".

Santi Domínguez destaca o impulso realizado por Benestar Social ás iniciativas de apoio aos centros educativos

mércores, 27 abr 2011

O tenente de alcalde, Santi Domínguez, e a concelleira de Benestar Social, María Méndez, participaron este mércores nunha xuntanza con membros dos equipos directivos e de orientación dos centros escolares da cidade para abordar o funcionamento das iniciativas desenvolvidas desde o departamento de Benestar Social. Na súa intervención, Santi Domínguez salientou o impulso que se deu desde Benestar Social ás iniciativas de apoio aos centros educativos e reafirmou a aposta do BNG polo ensino plúblico, plasmado na posta en marcha de proxectos que teñen consecuencias "a mediano e longo prazo".