O tenente de alcalde acorda cos sindicatos impulsar medidas conxuntas para dar resposta ás consecuencias da crise

martes, 14 dec 2010

O tenente de alcalde, Santi Domínguez, mantivo hoxe martes unha xuntanza cos secretarios comarcais de CIG, Serafín Otero, e de CC OO, José Cameselle, -non puido asistir o responsable de UGT-, para valorar a situación económica e a incidencia que está a ter en Vigo e a súa comarca. O nacionalista destacou que foi unha reunión "moi fructífera", na que se acordou impulsar medidas conxuntas para paliar a situación das persoas máis afectadas pola crise, así como dar a coñecer todos os servizos sociais e recursos municipais "para que a información chegue a todos os rincóns e a xente que o precisa poa acceder a eles".

O Museo da Cidade organiza visitas guiadas á mostra "Unha nova pinacoteca para Galicia" ata fin de ano na Casa das Artes

martes, 7 dec 2010

Co gallo da exposición "Quiñones de León: unha nova pinacoteca para Galicia", que se pode visitar na Casa das Artes, o Museo da Cidade pon en marcha un programa didáctico que inclúe visitas guiadas para o público en xeral e actividades especificamente dirixidas a escolares e familias. Segundo informa a Tenencia de Alcaldía e as concellerías de Cultura e Patrimonio Histórico, mediante estas actividades os participantes poden achegarse gratuitamente e de xeito entretido ao contido da mostra, unha selección de 83 obras da colección municipal da plástica galega dos séculos XIX e XX, que inclúe obras de artistas como Serafín Avendaño, Maside, Sotomayor, Castelao, Laxeiro, Colmeiro e Lugrís.

Santi Domínguez anuncia que Vigo acollerá o 18 de decembro o "gran espectáculo do motor" Supercross Freestyle

venres, 3 dec 2010

O tenente de alcalde, presentou este venres o Supercross Freestyle de Vigo, que terá lugar o vindeiro 18 de decembro a partir das 18 horas no recinto feiral Ifevi. O nacionalista asegurou que é un dos maiores "espectáculo de motor celebrado na cidade". O evento contará coa presenza de grandes figuras do supercross co obxectivo de "continuar a nosa aposta de traer a Vigo grandes eventos".<br />

Santi Domínguez anuncia que o alumeado de Nadal chega a 21 parroquias, 38 rúas, 16 prazas e 7 mercados

mércores, 1 dec 2010

O tenente de alcalde, Santi Domínguez, anunciou hoxe que o alumeado de Nadal, que se inaugurará o vindeiro venres, mantén os criterios dos últimos anos nos que se tratou de conxugar o feito de que chegara a toda a cidade, xa que nunca antes se instalara en todas as parroquias; ao tempo que se sigue apostando polas zonas comerciais e se mantén o aforro enerxético. O nacionalista apuntou que o investimento mantense nos 200.000 euros que se destinaron o ano pasado.

Santi Domínguez anuncia que o Mickey&#039;s Music Festival dá a saída o xoves ao programa navideño da Tenencia de Alcaldía

martes, 30 nov 2010

O tenente de alcalde, Santi Domínguez, presentou este martes o espectáculo Mickey&#039;s Music Festival, que traerá ao Ifevi aos clásicos de Disney do 2 ao 5 de decembro, cuns prezos que oscilan entre os 18 e os 27 euros. O nacionalista destacou que é un espectáculo destinado ao goce dos nenos e nenas e, en xeral, do público familiar, co que a Tenencia de Alcaldía da a saída a súa programación navideña

Santi Domínguez salienta que a reforma da Praza de Diego Santos devolve un espazo emblemático á veciñanza de Bouzas

xoves, 18 nov 2010

O tenente de alcalde, Santi Domínguez, inaugurou este xoves a remodelación do contorno da Praza de Diego Santos, que contou cun investimento de 261.000 con cargo ao Plan FEIL. O nacionalista afirmou que coas obras realizadas devólvese "un espazo emblemático aos veciños e veciñas de Bouzas" e expresou o seu compromiso de seguir traballando polo barrio co inicio do proceso de compra da Casa do Patín e novas humanizacións, como a rúa Ferreiros.

Santi Domínguez salienta o éxito do Concurso de Tapas e dí que é "un paso máis" na dinamización do Casco Vello

mércores, 17 nov 2010

O tenente de alcalde, Santi Domínguez, participou hoxe na entrega de premios da quinta edición do Concurso de Tapas do Casco Vello, que recaíron na Cafetería-Bar XII, o restaurante A Curuxa, que acadou tamén o premio á mellor presentación, e o Restaurante Picadillo. Expresou a súa satisfacción tanto polo aumento de establecementos participantes, que foron 18 nesta edición, como polos clientes que este ano achegáronse en maior número ao Casco Vello. O responsable de Cascos Histórico afirmou que esta iniciativa é "un paso máis" na aposta pola dinamización do barrio.

Santi Domínguez di que está en xogo o dereito á atención sanitaria e anima a ir a manifestación do domingo en Santiago

mércores, 17 nov 2010

O tenente de alcalde, Santi Domínguez, mantivo este mércores unha xuntanza coa Plataforma pola Defensa da Sanidade Pública, tra a cal manifestou a preocupación do BNG polo afán privatizador do PP dende que chegou á Xunta de Galiza. Asegurou que está en xogo "o dereito universal da cidadanía a recibir atención sanitaria libre e gratuíta", polo que fixo un chamamento a "acudir en masa" á manifestación que terá lugar o vindeiro domingo, 21 de novembro en Santiago, en defensa da sanidade pública.

Santi Domínguez anuncia que o Pazo de Congresos e Ahosvi entran no Convention Bureau, que supera xa os 70 socios

martes, 16 nov 2010

O tenente de alcalde e presidente do comité executivo da Fundación Vigo Convention Bureau, Santi Domínguez, salientou este martes a "boa saúde" coa que conta este organismo, ao ter acadado en nove meses os 70 socios colaboradores, obxectivo que tiña marcado para os tres vindeiros anos. O nacionalista anunciou a incorporación da Asociación de Hosteleiros de Vigo (Ahosvi) e da empresa encargada da xestión do Pazo de Congresos (Congrevigo) ao Padroado do Convention Bureau e o peche dun orzamento de 187.000 euros para 2011.