O tenente de alcalde presenta a oferta turística viguesa en Suiza a operadores e prensa especializada

xoves, 30 out 2008

No marco do Salón Internacional Suizo de Vacacións, o tenente de alcalde e concelleiro de Turismo do Concello de Vigo, Santi Domínguez, mantén ao longo do día de hoxe encontros profesionais cos operadores expertos no sector e a prensa especializada. O obxectivo destes encontros non é outro que presentar a ampla oferta turística da cidade de Vigo aos touroperadores e os medios centrados no turismo de ámbito internacional nunha xornada adicada unicamente aos encontros profesionais.

Tenencia de Alcaldía aporta á Federación Veciñal 75.000 euros para desenvolver o seu programa de actividades

venres, 24 out 2008

O tenente de alcalde do Concello de Vigo, Santi Domínguez, e a presidenta da Federación Veciñal "Eduardo Chao" asinaron este venres un convenio de colaboración por un importe de 75.000 euros correspondente ao 2008, destinado á organización de diversas actividades. Tras a sinatura, o nacionalista recoñeceu a importancia do traballo que desenvolven as asociacións veciñais na cidade nos eidos da cultura, o deporte, a normalización lingüística, a xuventude ou os servizos sociais.

Santi Domínguez salienta o avance que se está a dar na mellora do mantemento das rúas do Casco Vello

xoves, 23 out 2008

O tenente de alcalde e concelleiro de Cascos Históricos, Santi Domínguez, salientou este xoves os avances que se están a producir na mellora do mantemento das rúas do Casco Vello. Así o destacou esta mañá no transcurso da visita de inspección aos traballos de reforma de rúas que se están levando a cabo no barrio histórico vigués, e na que indicou que xa son máis de vintes as actuacións desenvolvidas co programa de limpeza de fachadas, tal e como se pode comprobar na praza da Pedra e na rúa Real, entre outras.

O tenente de alcalde anuncia a colaboración entre as áreas de Cultura e Benestar e o colectivo arxentino

luns, 20 out 2008

O tenente alcalde, Santi Domínguez, anunciou este luns a reanudación de convenios de colaboración entre as áreas que o BNG xestiona no Concello de Vigo, especialmente Cultura e Benestar Social, e o colectivo arxentino residente na cidade. O nacionalista así o manifestou tras a xuntanza que mantivo co cónsul xeral de Arxentina, Roberto Eduardo Gudiño, "a petición expresa do novo cónsul".

Santi Domínguez salienta o éxito do Salón de Denominacións de Orixe, que terá lugar do 21 ao 23 de outubro

xoves, 16 out 2008

O tenente de alcalde, Santi Domínguez, destacou este xoves o éxito que dende a primeira convocatoria, hai xa cinco anos, ten acadado entre os profesionais o Salón de Denominacións de Orixe e Delicatessen, que se celebrará entre o 21 e o23 de outubro no Instituto Feiral de Vigo. O tenente de alcalde tamén subliñou na presentación do evento, no que estivo acompañado pola responsable da empresa organizadora, Ana Montenegro, o director de Márketing de Caixanova, Jorge Santo e o xerente do IFEVI, Arsenio Prieto, que este certame estase a converter "nun clásico da programación do recinto feiral vigués".

Santi Domínguez destaca a Vigofeira, que se celebra do 25 de outubro ao 2 de novembro, como referente da Eurorrexión

mércores, 15 out 2008

O tenente de alcalde, Santi Domínguez, salientou este mércores que Vigofeira, que se celebrará do 25 de outubro ao 2 de novembro no Instituto Feiral de Vigo, "xa se ten consolidado como referente da Eurorrexión Galicia – Norte de Portugal así como dos países hispanoamericanos". O tenente de alcalde así o subliñou na presentación deste evento, no que estivo acompañado polo xerente do IFEVI, Arsenio Prieto, e o representante da empresa organizadora da feira, Planner Proceltha, Pedro Corbacho.

O Consorcio do Casco Vello investirá 220.000 euros na mellora do entramado viario do barrio histórico vigués

xoves, 9 out 2008

O presidente do Consorcio do Casco Vello e tenente de alcalde de Vigo, Santi Domínguez, anunciou este xoves que ata final de ano o Consorcio investira un total de 220.000 euros no desenvolvemento de obras de mellora no entramado viario do barrio histórico vigués. Domínguez realizou este anuncio tras unha reunión celebrada no Centro Cívico do Casco Vello na que participaron todos os colectivos e empresas que na actualidade realizan actuacións nesta zona, que ten como obxectivo coordinar os diversos traballos que se están a levar a cabo.

Santi Domínguez inaugura a Festa do Comercio no Progreso para dinamizar "o pulmón comercial" de Vigo

martes, 30 set 2008

O tenente de alcalde, Santi Domínguez, inaugurou hoxe unha nova edición da Festa do Comercio que nesta ocasión chega á zona centro da cidade. Ao longo de toda esta semana desenvolveranse na Praza do Progreso distintas actividades para os cativos, obradoiros e concursos cos que se persigue o obxectivo de dinamizar comercialmente, o que o nacionalista denominou como "pulmón comercial da cidade".

A Axencia da Enerxía xestionará a planta fotovoltaica que a Consellería de Vivenda construirá en Navia

xoves, 25 set 2008

A Axencia da Enerxía de Vigo asumirá a xestión e explotación da planta solar fotovoltaica que a Consellería de Vivenda instalará na nova zona verde de Navia, segundo anunciou hoxe o tenente de alcalde e presidente da Axencia da Enerxía ao remate da xuntanza do seu padroado. A instalación xerará electricidade mediante paneis solares para inxectala directamente na rede de distribución eléctrica.

O tenente de alcalde amosa o seu respaldo á iniciativa veciñal para que se debata e Lei de Área Metropolitana

xoves, 18 set 2008

O tenente de alcalde, Santi Domínguez, trasladou hoxe o seu respaldo aos representantes da Federación de Asociacións de Veciños de Vigo "Eduardo Chao" a respecto da iniciativa popular que presentaron para que o Parlamento galego acepte debatir a Lei de Área Metropolitana de Vigo. Dominguez coincide coa Federación Veciñal en que non se pode retrasar máis un debate que é fundamental para o desenvolvemento futuro de Vigo e a súa área de influencia.