luns, 5 mai 2008
"Lamento a visión absolutamente parcial ofrecida nun programa de televisión do Casco Vello de Vigo", subliñou este luns o tenente de alcalde e presidente do Consorcio do Casco Vello, o nacionalista Santi Domínguez, en referenza a emisión o pasado venres do programa "Callejeros" de Cuatro grabado na zona histórica da cidade. "E digo parcial e non falsa, porque a información que se ofreceu é veraz, pero non reflicte o conxunto do Casco Vello vigués", sinalou o tenente de alcalde, quen lembrou que o problema "non é que esta situación saia na televisión, senón que exista".
mércores, 23 abr 2008
O tenente de alcalde, Santi Domínguez, participou hoxe pola mañá na celebración do Día Internacional do Libro, sumándose ao acto organizado pola comunidade educativa do colexio Seis do Nadal. Santi Domínguez foi invitado a abrir a lectura por relevos que se desenvolveu no centro escolar e na que se implicaron todos os cursos.
A Vila Universitaria, unha das proposta, disporá de 2.500 vivendas que, tras o evento, se destinarán aos xoves e ao persoal da Universidade de Vigo
mércores, 23 abr 2008
Logo do éxito acadado coa explicación da candidatura viguesa aos membros da Comisión Avaliadora da Federación Internacional de Deportes Universitarios (FISU), o tenente de alcalde, Santiago Domínguez, o reitor da Universidade de Vigo, Alberto Gago, e o concelleiro de Deportes, Xabier Alonso, fixeron público o proxecto da cidade, unha proposta "realista, respectuosa con medio ambiente e sen obras faraónicas" para que o legado en infraestruturas poida ser "empregado no futuro por todas e todos".
O Consejo Superior de Deportes traslada o "apoio total do Goberno de España á candidatura" da cidade e o Presidente de Honra do COI amosa o seu convencemento da capacidade de Vigo para acoller a Universiada de Verán en 2013
venres, 18 abr 2008
A primeira hora da mañá chegaban ao Pazo de San Roque os membros das Comisión Avaliadora da Federación Internacional de Deportes Universitarios (FISU) para ser recibidos polo alcalde de Vigo, Abel Caballero, o tenente de alcalde, Santiago Domínguez, e o reitor da Universidade de Vigo, Alberto Gago, así como polos diferentes representantes da Corporación Municipal.<br />
mércores, 16 abr 2008
A chegada dos membros integrantes da comisión técnica avaliadora da Federación Internacional de Deportes Universitarios ao aeroporto de Peinador será escalonada ao longo das 15.15 horas do xoves, cando está previsto que chegue o grupo máis numeroso, segundo anunciou hoxe o tenente de alcalde, Santi Domínguez.
luns, 14 abr 2008
"Teño que agradecer ás asociacións de comerciantes, de mercados e de hosteleiros que dende o primeiro momento manifestaron a súa colaboración na preparación de Vigo como candidata a acoller a Universiada de 2012", salientou o tenente de alcalde, Santi Domínguez, no acto de presentación das iniciativas que se levarán a cabo con estes colectivos durante a visita dos seis membros que integran a comisión avaliadora da Federación Internacional de Deportes Universitarios (FISU), que terá lugar do 17 ao 21 de abril.
martes, 8 abr 2008
O tenente de alcalde, Santi Domínguez, presentou este martes unha oficina instalada na lonxa do Concello para asesorar ás persoas interesadas en solicitar as subvencións das diversas áreas sociais xestionadas polo BNG, que para este ano ascenden a 1.900.000 euros.Domínguez sinalou que deste xeito quérese ofrecer unha "atención personalizada a todas as persoas que queiran acceder as axudas durante todo o tempo que dure o proceso".
luns, 7 abr 2008
Tras a reunión mantida este luns polo tenente de alcalde e o presidente da Autoridade Portuaria, Jesús Paz, Santi Domínguez demandou "dentro da exquisita cordialidade" que a Autoridade Portuaria resposte ás alegacións presentadas polo BNG ao Plan de Usos do Porto. Ademais, Santi Domínguez manifestou asemade a pertinencia de que o resto de formacións políticas da cidade expresen a súa opinión sobre a planificación portuaria antes de sentarse a negociar sobre a mesma.
xoves, 27 mar 2008
O tenente de alcalde e concelleiro de Cascos Históricos, Santi Domínguez, presentou este xoves as subvencións para levar a cabo rehabilitacións no Casco Vello, que inclúen como novidade este ano a convocatoria de axudas para a mellora interior de edificios e locais comerciais, ademais das axudas para cubertas e fachadas xa existentes.
mércores, 26 mar 2008
A Axencia da Enerxía de Vigo (Faimevi) en colaboración coa tenencia de Alcaldía presentan a exposición "O noso mundo, o noso futuro, a nosa opción" que se amosa na lonxa do Concello do 26 de marzo ó 4 de abril.
