Analizar a situación dos museos de Vigo foi o obxectivo da xuntanza que mantivo hoxe o concelleiro de Cultura, Ignacio López Chaves, cos responsables técnicos dos museos municipais e das oficinas de Cultura e Patrimonio Histórico do Concello. Na reunión tratouse a necesidade de rebaixar o prezo das entradas do Verbum o que implicaría a modificación da ordenanza o que regula.
O Museo de Arte Contemporánea acolle dende hoxe e ata o 14 de marzo a exposición titulada "O Feito Fotográfico" que é un achegamento á actividade fotográfica desenvolvida na cidade de Vigo no período 1984-2000, a través da Fotobienal e das programacións da Sala dos Peiraos (1985-1991) e da Casa das Artes (1991-1992), organizadas polo Concello de Vigo en colaboración co Centro de Estudos Fotográficos, e comisariadas por Manuel Sendón e Xosé Luís Suárez Canal.
O venres 23 de xaneiro ás 20:00 inaugúrase no MARCO a exposición " O feito fotográfico. A Colección Fotográfica do Concello de Vigo (1984-2000)", que pretende ser un achegamento ás actividades organizadas polo Centro de Estudos Fotográficos en colaboración co Concello de Vigo durante o citado período.
A directora do MARCO, Carlota Álvarez Basso, presentou a programación trimestral para os vindeiros tres meses do ano 2004: exposicións temporais, actividades audiovisuais, concertos de arte sonora, mesas redondas e conferencias, e programa didáctico, entre outras.
A mostra, composta de 30 obras sobre o voluntariado social, poderá contemplarse ata o vindeiro 25 de xaneiro na primeira planta do centro
A Casa das Artes acolle do 29 de decembro ao 8 de febreiro a exposición "Tintas Galegas" sobre a "serigrafía gallega" de Álvaro Álvarez Blázquez e que inaugura esta tarde o concelleiro de Cultura, Ignacio López Chaves.
O concelleiro de Cultura, Ignacio López Chaves, presentou o libro que leva por título " Teis : memoria histórica dunha parroquia do litoral (Vigo/Lavadores)" escrito por Juan Miguel González Fernández a iniciativa da Asociación de Veciños de Teis.
A mezzosoprano Teresa Berganza clausura o ciclo de música ARE-MORE organizado pola Concellería de Cultura e que se desenvolveu desde o mes de outubro. O concerto terá lugar o venres, día 19, ás 20.30 horas , no cine Fraga Caixa Galicia. Berganza estará acompañada de José María Garrardo Rey.
O xoves ás 20.30 horas e no auditorio Martín Códax do Conservatorio Superior de Música de Vigo vai ter lugar o quinto concerto do XVII Ciclo de Intérpretes Internacionais organizado por Xuventudes Musicais de Vigo, e patrocinado pola Concellería de Cultura. Actuará o cuarteto de corda "Manuel Palau" que interpretará un programa con obras como Cuarteto de Corda, en Fa maior, Op. 96 (Cuarteto Americano) de Antonin Dvorák e o Cuarteto de Corda, en Re menor, Op Póstumo ( A morte e a Doncela) de Franz Schubert. O concerto será con carácter aberto e gratuíto.
O conxunto "Armoniosi Concerti" protagoniza o concerto do ciclo de música ARE-MORE que terá lugar o martes, día 16, ás 21 horas na Igrexa Concatedral Santa María de Vigo. O concerto co título "Zarambeques" interpreta música española dos séculos XVII e XVIII en torno á guitarra .