Lola Casariego , mezzosoprano, acompaña ao piano de Aurelio Viribay, ofrecen un concerto o 1 de novembro dentro do Festival de Música Clásica ARE-MORE que organiza a Concellería de Cultura. O concerto será a partir das 20 horas no Conservatorio Superior de Música de Vigo, con entrada libre e gratuíta ata completar o aforo.
A concellería de Cultura ven de enviar cartas ós colexios da cidade na que se informa dos concertos do ciclo de Música ARE-MORE e particularmente da ópera para escolares destinada preferentemente ó 2º e 3º ciclo de primaria.
O concelleiro de Cultura, Xosé Carlos Arias e o director da Fundación Laxeiro, Javier Buján, presentaron hoxe o inicio das visitas didácticas á Fundación que realizarán alumnos de segundo e terceiro de primaria. Tratase dunha iniciativa que a Fundación Laxeiro pon en marcha este ano por primeira vez, pola que pasarán durante todo o curso, un total de 5.000 nenas e nenos.
A soprano Kiri Te Kanawa acompañada ao piano de Jonathan Papp ofrecen o concerto de inauguración do festival de Música AREMORE que organiza a Concellería de Cultura. O concerto celebrarase o martes a partir das 20.30 horas no Cine Fraga-Caixa Galicia. O Festival Are More ofrece 18 concertos que se desenvolveran ata o 19 de decembro nos escenarios do teatro Cine Fraga, o Conservatorio de Música, a Igrexa Concatedral de Santa María e o salón de actos do Marco. Kiro Te Kanawa intepretará obras de W A Mozart, F Mendelssohn, F Schubert, R Strauss, H Duparc, C Debussy e F P Tosti.
O concelleiro de Cultura , Xosé Carlos Arias , presentou o operativo para desenvolver o proxecto "Fala ISS.Conversa con Pedro Duque" que terá lugar o domingo 26 de outubro dende o VERBUM . Esta iniciativa parte da Axencia Espacial Europea ó proponerlle a colaboración ó Concello de Vigo para realizar unha actividade conxunta dende un centro como o VERBUM dedicado á palabra e á comunicación humana. Con tal motivo o Verbum só abrirará ó público xeral pola tarde, a partir das 16,30 horas. Durante a mañá o acceso estará restrinxido exclusivamente ós escolares gañadores do concurso da Axencia Espacial Europea, persoal da ESA e persoal da organización.
Dado o éxito de público obtido coa presentación do programa audiovisual de arte e tecnoloxía ARTFUTURA 2003, o MARCO decidiu prorrogar as proxeccións durante dous días máis, nos que se fará a reposición daquelas partes da programación que tiveron maior aceptación entre o público.
Do 12 ó 23 de novembro instalarase en Vigo , dentro da súa segunda xira por España, a superproducción do Gran Circo Nacional Chino,Zensation, tralo éxito da súa primeira xira o ano pasado con máis de 200.000 espectadores. A presencia do circo en Vigo conta coa colaboración da concellería de Cultura e presentouse hoxe en rolda de prensa.
Dende o 17 de outubro ata o 16 de novembro estará aberta na Sala dos Peiraos unha exposición colectiva que reflexiona sobre arte e arquitectura. Nesta edición presentarase como novidade unha web que serverá de escaparate virtual de tódalas exposicións abertas ata o momento.
A Fundación Laxeiro presenta unha exposición na que se amosan pezas que por primeira vez poden ser contempladas polo gran público dende o día 17 de outubro ata o 7 de decembro na sede da Fundación da Casa das Artes. Formada por debuxos procedentes de coleccións particulares, froito do traballo de catalogación que a Fundación está a levar a cabo desde o ano 2000, a mostra está composta de trinta pezas pertencentes á súa primeira época.
A Concellería de Cultura pon en marcha o operativo para desenvolver o proxecto "Fala ISS.Conversa con Pedro Duque" que terá lugar o domingo 26 de outubro dende o VERBUM. Esta iniciativa parte da Axencia Espacial Europea ó proponerlle a colaboración ó Concello de Vigo para realizar unha actividade conxunta dende un centro como o VERBUM dedicado á palabra e á comunicación humana.