O Museo Liste-Etnográfico de Vigo e o Centro de Artesanía Tradicional (CAT), xestionados pola Fundación Liste coa colaboración da Concellería de Cultura e Festas, presenta a súa programación para o primeiro trimestre de 2013, que contará coa exposición permanente, exposicións temporais, obradoiros, talleres e xornadas.
Comeza a primeira edición da "Festa de Teatro Emerxente: Teatro á feira", que terá lugar no auditorio municipal do Concello (Praza do Rei, 1), os días 1, 2 e 3 de febreiro. A feira está organizada pola Asociación de Titulados/as en Estudos Superiores de Arte Dramática (ATESAD), en colaboración coa Concellería de Cultura e Festas.
Do 1 de febreiro ata o 28 de abril a Fundación Laxeiro presenta a segunda edición do ciclo que, co título xenérico Panorama, mostra, con periodicidade anual, o traballo de artistas que traballan en Galicia desde presupostos coincidentes, sexan estes, formais, procesuais, técnicos ou discursivos. Artistas:Colin Baldwin, Misha Bies Golas, Luis Bueno, Tono Carbajo, Samuel Castro, María Chenut, Rosendo Cid, Santiago Mayo, Rosa Úbeda, Xosé Carlos Barros, Miguel Mosquera, Pablo Orza, Pelucas, Enrique Saavedra, Teo Soriano.<br />
O alcalde e representantes de ATESAD, a Asociación de Titulados da Escola Superior de Arte Dramática, sita en Navia, presentaron este venres esta proposta, que auna a degustación de tapas e teatro: cada entrada inclúe unha consumición nos establecementos colaboradores. O Auditorio Municipal acollerá os espectáculos do 1 ao 3 de febreiro.
O alcalde presentou este mércores cos seus organizadores este evento, que terá lugar do 4 ao 6 setembro no Círculo Mercantil da cidade. Trátase dun concurso de ámbito galego que, na súa segunda edición, engade o violonchelo e contará con 36 instrumentistas de ata 19 anos.
A Editorial Elvira presenta o libro ÉVAME de Carlos Oroza, no acto estarán presentes os poetas Pere Gimferrer e Xosé L. Méndez Ferrín. O 17 de xaneiro no Centro Social Novacaixagalicia, <br /> rúa Policarpo Sanz, 24, de Vigo, ás 20,30 h
A Concellería de Cultura e Festas colabora na realización do concerto que a artista MALÚ ofrecerá no auditorio "Mar de Vigo" o sábado 2 de febreiro, ás 21,30h, e que está producido e organizado pola empresa Categórica Producións.
A Biblioteca Municipal "Xosé Neira Vilas" presenta a súa programación de inverno, para o periodo xaneiro-marzo, que inclúe unha serie de actividades diversas, dirixidas a todos os públicos, e onde destacan algunhas xa habituais como "Os sabadiños do Roque", os talleres "Achégate a internet" ou "Achégate á arquitectura" , o "Obradoiro de escritura creativa", "A hora dos contos" , o "Clube de lectura" e os "Contos Dakí", que contará nesta ocasión coa presenza de Celso Fernández Sanmartín, Paula Carballeira e Avelino González. Destaca tamén a actividade "Entre arrolos e contiños", dirixida a nenas e nenos de 12 meses ata 3 anos e os seus acompañantes, o terceiro sábado de cada mes ás 12,00h.
Este domingo 13 de xaneiro, ás 20,00h, terá lugar no auditorio Martín Codax do Conservatorio Superior de Música (rúa Manuel Olivié 23), un concerto da Orquestra VIGO 430, que serve para abrir o seu Programa Sinfónico de Primavera, que conta coa colaboración da Concellería de Cultura e Festas.
O alcalde, Abel Caballero, e a concelleira de Cultura, Isaura Abelairas, acompañaron á artista este xoves na presentación do espectáculo que terá lugar o sábado, ás 21 horas, no Auditorio Municipal. Patricia Moon interpretará cancións de "Oxytocin", o novo disco cun estilo definido pola viguesa como "rock lunático".