Abel Caballero explicou hoxe que o Concello entregou a 1.000 familias viguesas, de forma gratuíta, outros tantos compostadores de residuos para seren utilizados nas súas vivendas unifamiliares ou tradicionais. “Vigo segue liderando as listaxes das cidades máis limpas de España, con 8 escobas de platino”, remarcou o rexedor.
O Goberno vén de aprobar a modificación puntual do Plan de Desenvolvemento da Rede de Transporte de Enerxía Eléctrica no horizonte 2026 que permitirá que Stellantis e a industria da cidade conten coa moi alta tensión eléctrica.
O alcalde presentou este mércores as actividades organizadas polo Museo de Arte Contemporánea de Vigo para conmemorar o Día do Libro o próximo 23 de abril. Arrincan coa presentación hoxe das publicacións máis recentes das obras de 6 artistas que expuxeron as súas obras no museo, así como con dous encontros abertos ao público protagonizados por estes creadores.
Abel Caballero afirmou no acto de presentación do programa “Rueda Academia de Cinema”, que se desenvolve esta semana en Vigo, que o cinema e o sector audiovisual son “a gran plataforma de comunicación e conformación de todas as culturas”. Ante o vicepresidente da Academia de Cinema, Rafael Portela e a coordinadora de actividades, Inés Enciso, que proclamaron a Vigo como "a cidade do cinema", o alcalde recalcou o papel transcendente que ocupa a creación cinematográfica con só un século de existencia.
O alcalde de Vigo, Abel Caballero, e a concelleira de Educación, Olga Alonso, recibiron hoxe no Concello aos 10 estudantes franceses de Avignon que participan no Programa Erasmus de intercambio cultural, artístico e histórico co Colexio Losada. O alumnado deste centro docente de Vigo, que tamén participaron no encontro co alcalde, xa realizaron o intercambio. Os mozos, tras reunirse co alcalde, visitaron o xacemento e as galerías do Castro.
Abel Caballero animou este luns aos alumnos de quinto e sexto de educación primaria do CEIP A Dobrada, que participan no primeiro itinerario da actividade didáctica “A Máquina do Tempo-Reconquista Vigo 2024”, a afondar no coñecemento dun dos episodios máis importantes da historia da cidade percorrendo, co soldado francés Pierre Delapierre, coa heroína de Vigo Aurora, e o experto Eduardo Rolland, os escenarios do Casco Vello onde en 1809 os vigueses expulsaron ás tropas francesas.
A Xunta de Goberno do Concello acordou este venres conceder unha axuda de 20.000 euros ao Club Ciclista Rías Baixas para que organice en maio Vigo a “IV Vigo Copa de España”. Así o anunciou o alcalde ao apuntar que o goberno municipal tambén aprobou axudas a dous clubs de elite. “Nestas tres decisións damos un apoio de 350.000 euros a deportes singulares e tan importantes: fútbol, balonceso feminino e ciclismo”, recalcou Abel Caballero.
O rexedor reuniuse hoxe con membros responsables da Asociación Discamino de Santiago, na que "falamos de proxectos de colaboración" polo cal "asignarésmolles apoio económico". Caballero destacou o seu desexo de que "sexa unha forma de que todo o mundo teña actividade e conte cunha gran visibilidade" para as persoas con diversidade funcional, ademais de ser un gran proxecto de "sensibilidade social".
O Concello de Vigo celebrará o vindeiro venres 26 de abril o "Día Europeo dos Xardíns Históricos" con visitas guiadas ao Pazo Quiñones de León. O alcalde lembrou este xoves que a participación na actividade, que require realizar unha reserva no servizo municipal 010, é totalmente gratuíta.
Abel Caballero mantivo un encontro esta mañá con Alexis Alonso Rodríguez, primeiro tenente de alcalde de Pájara, e con Raimundo Dacosta Calviño, concelleiro de Emerxencias e Praias. Caballero relatou que a cidade da illa de Fuerteventura, "é un dos grandes municipios turísticos de España". Na conversa, "falamos de posibles cooperacións entre ambos municipios", indicou o alcalde, destacando que "dende Vigo estaremos encantados de ter unha relación fluída e colaborar cun municipio cunha extraordinaria presenza turística en toda Europa". Na reunión tamén estiveron presentes a tenente de alcalde, Carmela Silva, e o delegado da Zona Franca, David Regades.