O rexedor participa no VII Congreso Internacional Aerospacial (CIAG)
O Consorcio Aeroespacial Galego organiza en Vigo o VII Congreso Internacional Aeroespacial (CIAG), un evento que reuniu aos principais representantes da industria aeroespacial, desde OEMs, TIER 1, organizacións a nivel mundial e entidades gobernamentais. O obxectivo principal deste evento é poñer en común as novas liñas de actuación da industria e compartir o coñecemento e valoración dos diferentes actores sobre o futuro da industria aeroespacial, facendo fincapé nos ámbitos de espazo e seguridade e defensa. Durante estas xornadas tamén se presentaron os diferentes estudos realizados polo Observatorio da Industria Aeroespacial de Galicia. Na súa intervención, Caballero trasladou que a cidade "acolle con tanto entusiasmo este congreso", xa que "o voso sector vai ser extraordinariamente importante", e engadiu que é "unha forma moderna de entender a industria e a complexidade da elevación das tecnoloxías" sendo "presente e futuro, por riba de todo dende a colaboración público-privada".
