Caballero asiste ao "Foro Vigo, capital da fotónica en España"
Abel Caballero destacou hoxe, no foro sobre a posición estratéxica da cidade na industria dos chips fotónicos, organizado por Zona Franca e Faro de Vigo, a transcendencia da colaboración pública-privada en proxectos como o desenvolvemento presente e futuro da primeira fábrica de fotóns de España e única de Europa. Apuntou a aposta de Vigo pola tecnoloxía e polas empresas e avanzou que "con SPARC seremos a principal factoría do mundo fabricando fotóns". No acto, Amparo Valcarce, secretaria de Estado de Defensa, definiu á cidade como líder para a fotónica por contar coa achega de talento da Universidade, ademais de con empresas de alto valor e centros tecnolóxicos, como o de INDRA ou Sparc en Zona Franca, para desenvolver unha industria altamente tecnolóxica de alto valor engadido pola fotónica.
