O Concello e a RAG seguirán cooperando con iniciativas na cidade
O alcalde mantivo unha xuntanza este mércores co novo presidente da Real Academia Galega, Henrique Monteagudo, e coa nova tesoureira, María López-Sández, a quen lles trasladou toda a cooperación municipal nesta nova etapa que inician á fronte da institución. A nova directiva da RAG amosou o seu interese por continuar a colaboración entre ámbalas entidades e puxo en valor a cidade polo seu peso poboacional e a súa importancia histórica e cultural.
