xoves, 3 xul 2025
Abel Caballero saudou este xoves aos integrantes do Club Ciclista de Teis, organizador do Premio Volta Ciclista a Teis que terá lugar este domingo 6 de xullo na contorna do mercado. O alcalde explicou aos participantes nas categorías de principiantes, promesas, alevíns, infantís e cadetes, o atractivo da práctica dun deporte que conta cun gran arraigamento en Vigo, así como a importancia do esforzo que se realiza tanto durante os adestramentos como nas competicións.
xoves, 3 xul 2025
O alcalde saudou este xoves en Samil aos profesionais que, do 15 de xuño ao 30 de setembro, prestan o servizo de socorrismo e salvamento en trece areais de Vigo. “Un magnífico sistema de socorrismo, salvamento, limpeza de praias e da policía atendendo. A mellor atención de praias que hai en ningún lugar de España”, afirmou Abel Caballero.
mércores, 2 xul 2025
Máis de 300 atletas participarán este sábado 5 de xullo na segunda edición do recuperado “Gran Premio Internacional Cidade de Vigo de Atletismo”, que terá lugar na pista de Balaídos a partir das 19.30 horas. Organizada pola Federación Galega de Atletismo e patrocinada polo Concello de Vigo, o alcalde animou a toda a cidadanía a participar no espectáculo do atletismo.
mércores, 2 xul 2025
Os concertos de música urbana interpretada en directo por grupos e artistas, maioritariamente de Vigo, que ofrecen referencias pouco comúns e diferenciadoras, volverán consquistar o escenario de Villa Solita durante todos os venres de xullo e agosto dentro do proxecto cultural municipal “Curiosidades Solita”.
mércores, 2 xul 2025
Toralla ofrece desde mañá xoves, 3 de xullo, e ata o 21 de agosto o programa de representacións teatrais sobre a vida dos poboadores na vila romana.
martes, 1 xul 2025
A ampliación orzamentaria aprobada polo goberno municipal de Vigo suma outras 19 novas obras para mellorar distintos enclaves da cidade cun investimento de 11.123.000 euros, segundo anunciou este martes o alcalde, quen incidiu en que a ampliación orzamentaria “non ten precedentes na historia da cidade”.
martes, 1 xul 2025
Instalarase no edificio do CZF en López Mora con máis de 200 profesionais de alta cualificación que traballarán en solucións estratéxicas. A actividade do centro enfocarase no desenvolvemento de sistemas de defensa electrónica, vixilancia electrónica, mando e control e sistemas antidrón. "O obxectivo é a autonomía estratéxica. A defensa do século XXI necesita máis tecnoloxía e centros como o que hoxe presentamos", declarou o alcalde.
luns, 30 xuñ 2025
O Pleno da Corporación Municipal de Vigo aprobou este luns, cos votos dos concelleiros do PSOE e do BNG, a moción presentada polo grupo socialista instando á Xunta a iniciar “a reforma integral e inmediata” das cubertas dos centros educativos da cidade que o necesitan ante a situación en que se atopan colexios como o Celso Emilio Ferreiro e o Chans Bembrive. Tamén se aprobou solicitar á administración galega a reversión inmediata ao Concello do recinto do CEIP Virxe do Rocío.
luns, 30 xuñ 2025
O Concello demanda á Xunta que incremente de forma significativa as axudas económicas para garantir a seguridade e o mantemento das praias de Vigo, segundo o acordo plenario aprobado hoxe polos concelleiros do PSOE e do BNG.
venres, 27 xuñ 2025
As fontes de Aragón ilumínanse de verde este domingo, 29 de xuño, polo Día Mundial da Esclerodermia, unha xornada de concienciación sobre a enfermidade e de apoio a quen a padece. A esclerodermia é unha enfermidade crónica, autoinmune e rara, caracterizada polo endurecemento da pel e, nalgúns casos, de órganos internos.
