O Concello acaba de contratar o asesoramento xurídico dun equipo legal multidisciplinar, experto en materia deportiva, para valorar de forma solvente as alternativas ante a exclusión de Vigo da candidatura da Copa do Mundo de fútbol 2030.
O alcalde explicou este xoves aos 40 alumnos de segundo da ESO do IES Castelao, que participan no programa educativo "Visita o teu Concello", a transcendencia de coñecer o funcionamento da administración municipal pola repercusión dos servizos que presta á cidadanía e polas numerosas decisións que se adoptan todos os días para mellorar a calidade de vida dos vigueses e viguesas. O estudantado percorre as principais dependencias municipais, desde o Salón de Plenos á sala de control de tráfico, entre outras dependencias.
O Verbum acolleu este xoves o 14º Congreso da Unión Comarcal de UGT Vigo onde arredor de 100 delegados elixen unha nova executiva. Abel Caballero saudou ás persoas participantes e chamou á “conciencia colectiva do que representamos a UGT” poñendo en valor o traballo do sindicato que “é máis necesario ca nunca ante a chegada do fascismo”, que volve estar presente nalgúns gobernos. Por iso, apuntou, que “estamos chamados a coller o mundo e trazalo coas bases dos homes e mulleres que traballan”.
O alcalde celebra a presenza do Goberno de España na cidade materializada nunha nova sede na rúa Oporto 3. Zona Franca e Goberno de España asinaron o acordo que materializa esta cesión. Abel Caballero manifestou que hoxe "é un día importante" para a cidade por contar cun novo punto de referencia e relación das empresas, administracións e cidadanía co Goberno do Estado.
Abel Caballero trasladou hoxe aos 49 alumnos do Colexio San José de Cluny que percorren os principais escenarios da Reconquista de Vigo, dentro da actividade didáctica "Aventura no Vigo Vello", a valentía da cidadanía de 1809 ao enfrontarse ás tropas napoleónicas para recuperar o control da cidade e iniciar a expulsión definitiva das forzas napoleónicas. A iniciativa do Concello achegou a preto de 1.000 escolares de quinto e sexto de Primaria a un dos episodios máis transcendentes da historia da cidade conxugando as vertentes de aprendizaxe lúdica a través das recreacións dramatizadas.
Abel Caballero alentou este xoves aos 281 alumnos dos CEIP Lope de Vega, Igrexa Candeán, Sobreira Valadares, Vicente Risco e Virxe do Rocío, que participan no último concerto do programa municipal "Ruralsóns. As músicas do calendario", non só a interesarse pola música tradicional galega, senón a aprender a interpretar un instrumento. Desde o luns 7 de abril, máis de 1.000 alumnas e alumnos de 24 centros escolares asistiron aos concertos dirixidos polos profesionais da Escola Municipal de Música Folk e Tradicional.
O goberno municipal prorroga durante un ano o contrato do “Programa Socio-Educativo e de Apoio Familiar” que atende a 390 familias. O importe do servizo ascende a 838.000 euros, segundo avanzou hoxe o alcalde. A este acordo hai que sumar o visto e prace a 97 axudas de emerxencia por un valor superior aos 27.000 euros. “Vigo é a cidade de España coa máis importante política social”, sinalou.
O alcalde chamou hoxe aos 250 estudantes de quinto e sexto de primaria do CEIP Ría de Vigo, CEIP O Selo, CPR Escolas Nieto, CPR Monterrey, CEIP Balaídos e do CEIP Javier Sensat, que participan no concerto didáctico "Ruralsóns. As músicas do calendario" a cargo do profesorado da ETRAD, a interesarse pola música e a gozar da interpretación de pezas tradicionais. Caballero destacou a calidade dos intérpretes da ETRAD que levan aos escenarios composicións de música folk galega.
Abel Caballero saudou este mércores aos 17 alumnos do CEIP Paraixal e aos 27 do Colexio Compañía de María María que participan no programa didáctico "Aventura no Vigo Vello-Reconquista 2025" co que percorren os puntos estratéxicos da recuperación en 1809 de Vigo da ocupación das tropas napoleónicas. O alcalde animounos a interesarse por estudar a historia da cidade, especialmente de episodios de gran transcendencia como o inicio da Reconquista desde Vigo, así como a gozar do programa educativo creado polo Concello para potenciar o interese polos acontecementos ao redor da liberación da cidade das forzas militares do emperador francés.
O alcalde expuxo hoxe aos directivos da Academia de Cine, que esta semana desenvolven en Vigo o programa “Rueda", que Vigo se converta en “punto fixo” e “cidade anfitrioa” da programación que na actualidade reúne a 50 cineastas. “Mentres sexa alcalde, as portas de Vigo están abertas ao cinema”, asegurou.