Samil volverá tinguirse de infinidade de cores o vindeiro domingo 16 de xuño coa convocatoria da carreira Holi Life Remember Edition, á que Abel Caballero anima a participar a toda a cidadanía de Vigo lucindo as vestimentas brancas que se transformarán en roupa multicolor tras 5 quilómetros de percorrido e moita festa.
Abel Caballero anunciou hoxe a celebración do torneo de debate escolar organizado polo Instituto da República Oriental do Uruguai, ROU, que se desenvolverá mañá 25 e o luns 29 no Auditorio Municipal, na Praza do Rey.
O alcalde recibiu ao cónsul de Venezuela en Vigo, Martín Pacheco Morillo, nunha xuntanza na que compartiron as noticias de actualidade de ambos países. Os dous puxeron de manifesto o apoio que ten da cidade a colectividade venezolana que reside en Vigo.
Abel Caballero asegurou este martes que o espazo configurouse como novo “centro de gravidade” cambiando “o concepto de Vigo e a forma de entender a cidade”. Así o afirmou tras asinar, coa directora xeral de Nhood España, Teresa Verdugo, o convenio con Ceetrus Urban Player Spain que converte ao Concello en titular dos 21.904 metros da praza durante 50 anos, e fixa a repartición dos custos do mantemento conxunto entre a administración municipal e a empresa privada. “Isto é moi conveniente para o Concello e aseguramos que estea en perfecto estado”, indicou.
O alumnado de 5º e 6º de Primaria do centro educativo participou este martes no programa ‘A Máquina do Tempo - Reconquista Vigo 2024’, un percorrido didáctico que organiza o Concello para achegar a historia da cidade aos máis cativos coa visita polas rúas e prazas do Casco Vello, proxeccións, charlas, unidades didácticas da man do soldado francés da garda imperial de Napoleón Pierre Delapierre e coa heroína viguesa Aurora. O alcalde saudou aos participantes na parada realizada na Praza do Rei O Concello de Vigo achega a Reconquista a preto de 1200 escolares de 5o e 6o de Primaria O Servizo Municipal de Educación achegará a historia e a festa da Reconquista a preto de 1200 escolares de 5o e 6o de educación primaria de centros educativos de Vigo, a través de visitas guiadas polos restos do Castelo de San Sebastián, polas rúas e prazas do Casco Vello, proxeccións, unidades didácticas e un roteiro dirixido por actores caracterizados que interpretan ao soldado francés da garda napoleónica Pierre Delapierre, e a heroína viguesa Aurora, ambos perdidos polas rúas de Vigo dende os tempos de Cachamuína e a histórica data de 1809.
O Concello volve organizar visitas ás Illas Cíes dentro do Programa Camiño a Camiño. Os itinerarios terán lugar os días 19 e 26 de maio, segundo anunciou este luns Abel Caballero ao indicar que a preinscrición para acceder a unha das 300 prazas ofertadas realizarase a través do servizo municipal do 010 e que o peche da inscrición hai que realizalo na Navieira Mar de Ons.
O alcalde acudiu ao acto de toma de posesión do novo fiscal xefe da área de Vigo, Óscar Vladimir Vallejo Torres, que tivo lugar na mañá deste venres na Cidade da Xustiza. Caballero estivo acompañado da tenente de alcalde e senadora, Carmela Silva, e outras autoridades que arrouparon a Vallejo Torres neste día. O rexedor felicitou á fiscal saínte polo seu traballo e felicitou ao recente nomeado ao que lle desexou o mellor dos éxitos.
O alcalde de Vigo anunciou este venres que o goberno municipal ha aprobado a adxudicación do contrato de teleasistencia domiciliaria que o Concello presta de forma gratuíta a máis de 700 persoas, así como a ampliación dos servizos que facilita aos usuarios.
O presidente da Zona Franca e alcalde de Vigo acudiu á toma de posesión do delegado do Estado da Zona Franca de Vigo, David Regades, que tivo lugar no Auditorio Mar de Vigo. Máis de 400 representantes del tejido empresarial, social e institucional gallego arrouparon a Regades, que avanzou a continuidade dos proxectos en marcha e fixo balance positivo dos anos previos ao fronte da institución.
O Concello trasladou ao Instituto Nacional de Estatística a cifra de habitantes que figuran no padrón municipal con data 1 de xaneiro de 2024. Para Abel Caballero esta cifra “amosa o que significa Vigo, de largo a maior cidade de Galicia e unha das grandes de España con máis de 300.000 habitantes”.