luns, 14 mar 2011
Segundo informou o alcalde, a Xunta de Goberno Local deu luz verde ás bases reguladoras dos Proxectos Empresariais de Interese Municipal (PEIM), cos que o goberno local pretende "favorecer á actividade económica" mediante exencións fiscais e abaratamento na concesión de licenzas. O obxectivo é dar "facilidades" para o mantemento en Vigo das compañías e para a instalación de novas empresas na cidade.
venres, 11 mar 2011
Tras a boa acollida de público na primeira xornada, o Instituto Feiral de Vigo volve acoller este domingo a actuación de cinco corais polifónicas dentro do Festival de Habaneras Cidade de Vigo, organizado pola Asociación de Corais Polifónicas de Vigo (ACOPOVI) e a Alcaldía de Vigo. O domingo 13 marzo está programada a presenza das corais da AACC Agarimo, SCD Nautilius de Comesaña, Perla do Atlántico de Alcabre, Alborada de Cabral e María Auxiliadora.
venres, 11 mar 2011
Abel Caballero visitou este venres a factoría viguesa de Aludec Ibérica, que fabrica os emblemas de marcas como Rolls Royce ou Porsche, entre outras, e emprega a 250 persoas, o 60% mulleres. O alcalde ofreceu o respaldo institucional do Concello e do Goberno de España para os procesos de I+D+i que implemente a industria da automoción e subliñou que, en liñas xerais, este ámbito económico na cidade "está a aguantar a crise francamente ben".
venres, 11 mar 2011
O alcalde saudou hoxe venres a publicación no Boletín Oficial do Estado da licitación por parte do Ministerio de Fomento para a contratación do acondicionamento da pista de aterrizaxe de Peinador -que será adaptada á normativa de máxima calidade- por valor de 11 millóns de euros, un "aluvión de inversións" no aeroporto ao que "xa lle perdimos a conta". Caballero ensalzou o orzamento, equiparable á construción de 15 quilómetros de autovías.
xoves, 10 mar 2011
O alcalde de Vigo acudíu hoxe xoves á inauguración da rúa Cesáreo Vázquez, con "máis de quilómetro e medio" de lonxitude e case 900.000 euros de investimento municipal. Caballero agradeceu aos veciños a súa "enorme cooperación" ao ceder terreo para ampliar o vial e construir beirarrúas, e subliñou a mellora que supuxo esta reforma na seguridade para peóns e vehículos.
xoves, 10 mar 2011
Abel Caballero visitou este xoves a carpa informativa instalada na rúa do Príncipe pola Fundación Renal "Íñigo Álvarez de Toledo" con motivo do Día Mundial do Ril, onde persoal especializado mide a presión arterial e os niveis de azucre en sangue a todos aqueles que se acheguen. A carpa está habilitada durante a xornada de hoxe, en horario de mañá e de tarde. O alcalde sumouse á concienciación cidadá sobre as patoloxías e a súa prevención.
mércores, 9 mar 2011
O alcalde de Vigo, Abel Caballero, reuníuse este mércores dos organizadores do evento, a quenes ofreceu "cobertura" para a celebración desta sétima edición, xa que este ano teñen "maiores dificultades do habitual para o orzamento" porque Novacaixagalicia da unha achega "menor" que a ofrecida por Caixanova. "Ofrecimos dar cobertura porque parécenos interesante que a cidade siga tendo esta Semana Matemática", asegurou.
mércores, 9 mar 2011
O alcalde de Vigo visitou este mércores a nova regulación de tráfico no cruce de Aragón, Genaro de la Fuente e a Avenida do Aeroporto, onde o Concello dispuxo provisionalmente un sistema de dobre rotonda, que será definitivo se confírmase a súa eficacia durante as dúas semanas que estará en probas. Esta mellora coincide cos traballos municipais de humanización da Avenida de Aragón -por valor de dous millóns de euros-.
mércores, 9 mar 2011
Abel Caballero mantivo unha reunión este mércores coa Rede Social Galicia Sur para abordar conxuntamente o novo albergue que o goberno local proxecta na antiga Escola de Hostelería. O alcalde avanzou a sinatura dun convenio con Emaús para a xestión do mesmo -en semanas estará o borrador- e unha comisión de seguemento coa Rede Social Galicia Sur sobre o albergue. Esta dotación estará aberta desde o verán indefinidamente ata que Vigo conte cunha ubicación definitiva.
martes, 8 mar 2011
O alcalde de Vigo e Presidente da Rede Española de Cidades polo Clima, Abel Caballero, presidiu a reunión do Comité e adiantou as liñas de actuación da entidade para este ano, que incorpora medidas de promoción do coche eléctrico, o eventual Premio Nacional do Clima, iniciativas relativas á biomasa e sistemas de acumulación e distribución común de enerxía para varios edificios.
