O rexedor atende as peticións de asfaltado e humanizacións na parroquia de Sárdoma
O alcalde de Vigo comprometeu hoxe o seu apoio ás peticións da Asociación de Veciños de Sárdoma que solicitan "con perentoriedade" asfaltados e humanizacións en distintas zonas da parroquia. O rexedor, quen mantivo esta mañá un encontro con responsables da entidade, avanzou que "nalgúns casos" vai haber cesións de particulares para poder ampliar as beirarrúas.
