Coa presenza de varias decenas de persoas, e representantes políticos da Corporación Municipal, este martes inaugurouse unha nova mostra de arte sita nas dependencias da Alcaldía polos próximos dous meses, desta volta a cargo do pintor da parroquia viguesa de Matamá, Antón Abreu Bastos.
O alcalde mantivo este luns sendos encontros co presidente da Federación Provincial de Comercio, Antonio Reguera, e coa presidenta da Federación de Comercio de Vigo, Encarna Álvarez, para pasar revisión á situación do sector na cidade. O alcalde mostrou a "cooperación absoluta" do Concello para minimizar as molestias das obras.
A cidade de Vigo volveu a arroupar unha vez máis un evento de importancia internacional. En máis de 400.000 persoas estima a organización as visitas recibidas durante os catro días oficiais, ó Village Alberto Durán.As 11,30 do domingo 3 de maio, soltaba amarras o Kruzensthern, navío da Armada rusa, que durante estes días se convertíu nun dos veleiros máis admirados polos visitantes. A continuación, os franceses Belle Poulo e Etoile, os que seguiron Tecla, Urania, Spirit of Bermuda,e o resto da flota de Tall Ships, para realizar un primeiro tramo ata A Guía, virar dous balizas de paso, que dexiaron polo seu costado de babor, e que estaban situadas nun canal de seguridade fondeado a primera hora da mañá.
Abel Caballero informou este xoves da aprobación europea do proxecto municipal de rexeneración urbana de Teis, dotado con 5 millóns de euros para 2009 e 2010. Melloraranse rúas e viais; instalaranse pantallas vexetais para aislar a autopista e o tren, e unha pasarela ecolóxica no borde litoral; recuperaranse praias, elementos tradicionais e a antiga fábrica de conservas Garavilla.
A dársena da Laxe converteuse na gran protagonista desta ponte maio en Vigo. A expectación creada os días previos, nos que os preparativos non cesaron, teñen desde hoxe o seu recompensa; cheo total no Village "Alberto Durán", centro neurálgico das actividades que con motivo da Tall Ships Race instalouse no porto.
O alcalde entrevistouse hoxe mércores co director de Estacións de ADIF, Miguel Ángel Campos, quen confirmoulle , segundo informou Abel Caballero, que a estación de Urzáiz ten "interese preferente" para ADIF polo que o asumen directamente. O rexedor confirmou que Mayne xa asinou o contrato con ADIF para a redacción do proxecto.
O alcalde e a delegada da Zona Franca en Vigo alcanzaron este acordo este mércores e "en 15 días", estimou Abel Caballero, se asinará o convenio polo que o Consorcio reparará directamente as instalacións deportivas ou revertirá no Concello o seu custo. "As negociacións chegaron a bo porto", salientou o alcalde.
A executiva da FEMP acordou hoxe martes solicitar ás comunidades autónomas e aos Concellos dinamizar a economía en base ao investimento público, ao I+D+i, e desenvolver políticas sociais e sostibles. Abel Caballero asistíu tamén este martes á toma de posesión de Antón Louro como delegado do Goberno en Galicia.
Algúns dos veleiros que participarán na saída do Desafío Atlántico 2009, o próximo 3 de maio desde a cidade de Vigo, arribaron durante esta fin de semana na dársena da Laxe, atraque no que permanecerán ata o domingo, día no que poñerán rumbo a Tenerife, primeira escala da Tall Ships Race Atlantic Challenge 2009.
Abel Caballero indicou que, "en dous ou tres meses", o arquitecto César Portela rematará o proxecto da nova terminal de Peinador, "o gran aeroporto internacional" que Vigo precisa para converterse en porto de saída de grandes cruceiros. O alcalde constatou hoxe venres co seu director o "bo ritmo" que levan as obras e os proxectos do aeroporto.