martes, 8 mar 2011
Desde este martes, o alcalde de Vigo empregará un coche 100% eléctrico para os desprazamentos oficiais pola urbe, porque estamos "nun momento crítico de loita contra a contaminación e o cambio climático". O modelo é un Peugeot iOn -que será substituído en próximas datas por un Citroën C-Zero- e ten autonomía para 120 quilómetros. "Cremos que debería xeralizarse" e que "todos os cargos públicos de todas as administracións" deberían empregalo eléctrico cando precisen do coche.
martes, 8 mar 2011
O Ministerio de Industria fixo pública onte luns as asignacións de axudas á automoción en España, e o grupo PSA Peugeot Citroën é o máis favorecido ao recibir máis de 35 millóns de euros, "a maior asignación desde o Ministerio de Industria", indicou o alcalde, que reserva "a parte máis importante" para o coche eléctrico, que a factoría de Balaídos fabricará no futuro. "Cremos que a aportación ten en conta as necesidades desta factoría, do automóbil eléctrico e desta cidade", asegurou Caballero.
luns, 7 mar 2011
O alcalde de Vigo viaxou onte domingo á localidade madrileña para seguir o encontro entre o Alcorcón e o Real Club Celta, onde estivo acompañado do Presidente da entidade deportiva, entre outras autoridades. O Concello axudou aos aficionados celestes a desprazarse ata Alcorcón poñendo varios autocares gratuitos a disposición dos siareiros do club celeste.
luns, 7 mar 2011
O alcalde de Vigo, Abel Caballero, e o presidente da Federación de Bandas de Música da cidade, Enrique Lorenzo, rubricaron hoxe luns a reedición do tradicional apoio municipal ao colectivo, que este ano ampliarase para axudar aos grupos a adquirir instrumentos que non poden adquirir cos seus propios recursos.
venres, 4 mar 2011
Abel Caballero inaugurou hoxe venres o treito entre Pi y Margall e José Frau Ruiz, unha actuación de case medio quilómetro e 7.500 m2 de superficie que supuxo un orzamento de 1,75 millóns de euros. Xunto coa primeira fase, rematada semanas atrás, o investimento municipal na rúa López Mora suma 3,5 millóns, 15.000 m2 de actuación e a renovación integral das redes de servizos soterradas.
xoves, 3 mar 2011
O alcalde de Vigo, Abel Caballero, xunto co artista e distintos concelleiros e personalidades artísticas inauguraron este xoves unha nova edición de Mostrarte. O traballo deste vigués, cunha obra na que predominan os grises e negros, leva o sentido do abstracto aos maiores niveis. Co permiso do autor, Caballero dedicou esta exposición ao político progresista, recentemente falecido, Enrique Curiel, tamén vigués.
xoves, 3 mar 2011
Abel Caballero visitou este xoves a multinacional Borgwarner, unha "industria de altísima tecnoloxía" que emprega en Vigo a medio millar de persoas. O rexedor garantiu a cooperación municipal para dar respostas as necesidades da empresa, que plantexa un "proxecto de consolidación e asentamento con desenvolvemento de produtividade aquí", o que suporía incluso incrementar o número de postos de traballo.
xoves, 3 mar 2011
O alcalde de Vigo asegurou hoxe xoves que a sede que ultima a entidade en Navia será "excepcional" e convertirase "nun dos grandes centros españois de atención aos danados cerebrais graves". O Concello cedeu os terreos para a súa construción pero precisan de medio millón de euros para concluir, aproximadamente nun mes, cos traballos. Caballero comprometeuse a cooperar para conseguir os fondos.
xoves, 3 mar 2011
O alcalde de Vigo, Abel Caballero, o Presidente do RC Celta, Carlos Mouriño, e representantes dunha decena de empresas concesionarias municipais asinaron este xoves unha declaracións comprometéndose a redactar un convenio a favor da entidade deportiva, que conlevará achegas económicas municipais e das concesionarias. Caballero salientou a importancia de contar co club na Primeira División como proxeción da cidade de Vigo no exterior.
mércores, 2 mar 2011
Abel Caballero asistiu este mércores a un dos ensaios que teñen lugar no primeiro soto do edificio municipal da Praza do Rei, onde atópase a Escola Municipal de Danza. A EMD está profundamente marcada pola tradición popular galega, e centra a súa actividade no ensino da danza e percusión tradicional, así como na difusión da cultura galega.
