O Concello alumeará este venres 20 e sábado 21 de marzo de azul e amarelo as fontes de Aragón para conmemorar o Día Mundial da Síndrome de Down. Este día é unha xornada conmemorativa recoñecida polas Nacións Unidas que reivindica a inclusión real, a igualdade de oportunidades e o respecto á dignidade e autonomía das persoas con Síndrome de Down.
Recuperación do patrimonio industrial, restauración da fachada marítima e posta en funcionamento dun centro de produción para o sector audiovisual. Con estas premisas, a Zona Franca de Vigo solicitou formalmente por escrito á Autoridade Portuaria de Vigo a adquisición do edificio de Frigoríficos do Berbés.
O alcalde recibiu no Concello ao embaixador do Reino dos Países Baixos en España, Roel Nieuwenkamp, nun encontro institucional no que tamén participou o cónsul honorario en Galicia e Asturias, Eugenio González de Haz Díaz-Castroverde. Durante a reunión, ambas partes abordaron posibles vías de cooperación en ámbitos de interese común, poñendo de manifesto as similitudes entre Vigo e os Países Baixos en cuestións como a proxección internacional, o desenvolvemento económico e a aposta pola innovación. O embaixador Nieuwenkamp, no cargo desde 2022, conta cunha ampla traxectoria diplomática e económica, con responsabilidades na Organización para a Cooperación e o Desenvolvemento Económico e como embaixador en Arxentina.
Abel Caballero reafirmou hoxe o compromiso de ampliar o IFEVI “canto antes e coa maior velocidade posible” para consolidar en Vigo a organización de grandes feiras, como Conxemar e Navalia, ademais de atraer a outras grandes citas.
O alcalde mantivo unha xuntanza co sindicato médico O’Mega onde avalou as súas reivindicacións: máis tempo para a atención aos pacientes, máis médicos e melloras nas súas condicións laborais.
O rexedor explicou esta mañá que “Vigo vai ser sede do Mundial 2030 porque o gañamos cun proxecto magnífico e imbatible”. Tamén sinalou que “reclamamos o noso dereito non porque se vaian Málaga e A Coruña, senón porque o gañamos inicialmente a pesar de todas as trampas”.
Este sábado, 14 de marzo , a cidade súmase á conmemoración do Día Mundial da Endometriose iluminando de amarelo as fontes de Aragón. O obxectivo é visibilizar a enfermidade crónica que afecta a millóns de mulleres e de nenas e que a miúdo se atopa infradiagnosticada. Tamén pretende concienciar sobre o impacto na calidade de vida e fomentar os diagnósticos temperáns.
Abel Caballero informou hoxe ao reitor Manuel Reigosa de que se reunirá co Goberno para trasladar o seu apoio á proposta da Universidade de Vigo de construír unha nova residencia de estudantes dentro do novo plan do Ministerio de Ciencia, Innovación e Universidades de implementar novos equipamentos habitacionales en distintas universidades.
O alcalde presentou este venres "ViveVigo", o I Programa Municipal de intermediación no mercado de alugueiro a prezo alcanzable para vivendas baleiras. A iniciativa fixa unha dobre garantía, tanto para o arredador, ao que se garante o cobro da renda e a recuperación do piso nas mesmas condicións nas que o alugou; como para o arrendatario, xa que, se a renda supera o 30% dos seus ingresos, a administración municipal achegará o resto do prezo.
Caballero participou na recepción institucional á directiva do club francés antes do encontro europeo en Balaídos. Durante o acto, Caballero deu a benvida á delegación do club galo e destacou a relevancia de que Vigo forme parte do calendario das grandes citas do fútbol internacional. O rexedor subliñou ademais a proxección que supón para a cidade acoller encontros de competicións europeas, que atraen a afeccionados e delegacións deportivas doutros países. O alcalde trasladou tamén o seu desexo de que a expedición do Olympique de Lyon desfrute da súa estancia en Vigo e da hospitalidade da cidade, nunha xornada marcada polo ambiente futbolístico e pola presenza internacional en Balaídos.