O alcalde recibiu unha carta da ministra de Sanidade, Mónica García, na que lle expón que o Ministerio fixo a proposta e a Xunta non presentou alegacións á supresión de Vigo como sede de exame para a Formación Sanitaria Especializada.
O Concello de Vigo contará o ano que vén cunhas contas que rondarán os 345 millóns de euros o que o sitúa como “o máis importante orzamento da historia da cidade”. Caballero avanzou incrementos destacados en ámbitos como política social, deportes ou no capítulo de investimentos.
A cancelación de voos por parte da aeroliña non afecta á previsión do aeroporto de Vigo dado que a fin da única ruta operativa de Ryanair estaba prevista para o 1 de xaneiro de 2026. A este respecto o alcalde insiste en que “non se prorrogará o contrato con esta compañía por non cumprir cos pregos”.
Abel Caballero participou esta mañá en Madrid nun evento organizado pola Fundación Biodiversidade, baixo o título “Novos proxectos para impulsar a renaturalización de cidades españolas”. Esta xornada realizouse no marco do Fondo Europeo de Desenvolvemento Rexional (FEDER) dada a súa importancia estratéxica. O Concello de Vigo obtivo unha concesión de 2,1 millóns para o plan municipal “Alcabre Verde”, cun custo total de 3,5 millóns.
Organizada polo Organismo Autónomo de Parques Nacionais e Afundación; co apoio do Concello e Grupo Tragsa; e realizada por Lunwerg, a mostra a pé de rúa «Parques Nacionais» revaloriza o traballo de conservación realizado nestas contornas e a súa importancia para o futuro da nosa biodiversidade. En total, reúne 93 impactantes imaxes, gañadoras ou finalistas do concurso nacional de fotografía FOTOPARQUES, que nos achegan a algúns dos lugares e detalles máis sorprendentes destes espazos naturais. A exposición poderase contemplar na rúa do Príncipe ata o próximo 30 de setembro.
O rexedor achegouse esta mañá á reunión anual da empresa do sector odontolóxico Axis Dental, que nesta ocasión acolle a nosa cidade nas instalacións do Hotel Cidade de Vigo. No encontro estaban presentes representantes da empresa en toda España, aos que Caballero agradeceu a elección do noso concello e trasladoulles a importancia do seu sector para a cidadanía.
O alcalde avanzou que levará este tema ao Pleno porque está “en absoluto desacordo” coa exclusión de Vigo como sede examinadora da formación sanitaria especializada e sinala como corresponsables desta situación á ministra e ao conselleiro de Sanidade.
O alcalde recibiu unha carta do Goberno de España asinada polo presidente, Pedro Sánchez, onde felicita ao goberno local polo plan de vivenda dotado con 11 millóns de euros. Caballero lamenta que desde a Xunta non se teña respondido á misiva na que o goberno local solicita as competencias para a construción de 1.000 vivendas en Vigo con fondos do Estado.
O alcalde de Vigo presidiu este mércores o acto de homenaxe aos alcaldes, diputados e sindicalistas da cidade fusilados o 27 de agosto de 1936 nun acto de memoria e compromiso cos valores democráticos.
O goberno local xa está a traballar na tramitación dos solos residencias nos que se prevé edificar 5.500 vivendas en 550.000 metros cadrados. “Ao redor de 4.000 desas vivendas terán algún tipo de protección”, afirmou o alcalde.