martes, 20 xan 2026
Durante a xornada do xoves, Abel Caballero manterá reunións coas aeroliñas Vueling, Volotea, Air Nostrum, Binter e Wizz Air. O obxectivo será amosar a oferta cidade en materia turística, como o Nadal, a festa da Reconquista, o verán con grandes concertos e O Marisquiño, así como outros eventos. Tamén Vigo suma “unha cuestión moi importante” como o turismo de rodaxes de contidos audiovisuais no que a cidade está a levar adiante un gran traballo. O alcalde tamén avanzou que durante o desenvolvemento da feira de turismo máis importante do mundo terá entrevistas con dez medios de comunicación.
martes, 20 xan 2026
O baile volverá converterse “no corazón de Vigo” a fin de semana do 25 e 26 de abril coa segunda edición de “Vigo Dance Festival”, segundo avanzou hoxe o alcalde ao animar a toda a cidade a inscribirse na cita cultural que arrincou en 2025 coa participación de 1.500 bailaríns.
martes, 20 xan 2026
O alcalde destacou este martes o avance das obras da Grada de Gol de Balaídos e dos proxectos do programa “Vigo Vertical” que se atopan en proceso de construción e que supoñerán un investimento de 37,8 millóns de euros. "Neste momentos temos en marcha, só en Balaídos e no Vigo Vertical, obras por 37,8 millóns de euros", recalcou.
martes, 20 xan 2026
O Concello cooperará cos deportistas do Club Náutico facilitando o uso da piscina municipal de Travesas ata o fin do peche temporal, por obras, das súas instalacións.
luns, 19 xan 2026
A Praza do Rei acolleu este luns ás 12:00 horas o minuto de silencio convocado polo Concello “en memoria das vítimas” do accidente de tren sucedido onte en Adamuz, Córdoba. O alcalde transmitiu o pesar da cidade ante esta traxedia e trasladou “a súa solidariedade e o cariño ás familias” das persoas falecidas así como o “desexo de recuperación” para as persoas feridas.
luns, 19 xan 2026
O alcalde inaugurou hoxe a humanización da rúa Pablo Iglesias, que contou cun investimento de cerca de 1.300.000 euros. “É unha mellora integral da rúa que homenaxea ao Celta cunha escultura do escudo en pedra e unha oliveira centenaria”, destacou o rexedor.
luns, 19 xan 2026
O Concello presentará este xoves, 22 de xaneiro, na Feira Internacional de Turismo de Madrid, a proposta turística de Vigo para o ano 2026. Será no espazo de Turespaña “o máis importante de Fitur”, ás 14:00 horas e poderá seguirse a través da web municipal.
xoves, 15 xan 2026
Abel Caballero e o novo presidente da Asociación Clúster do Granito, José Antonio Lemos, mantiveron unha xuntanza este xoves na que abordaron a situación do sector. A directiva expuxo os retos que ten por diante os próximos anos e abordaron asuntos de interese común relacionados coa súa actividade.
xoves, 15 xan 2026
O luns 23 de marzo máis de 2.000 nenas e nenos de colexios públicos e concertados de Vigo participarán na décima edición do desfile da “Reconquistiña” que conflúe na Porta do Sol, segundo anunciou este xoves Abel Caballero. Apuntou que en 2025 o alumnado de 37 centros protagonizou a cita infantil da Festa da Reconquista de Vigo.
xoves, 15 xan 2026
O alcalde convida á cidade a gozar deste evento musical que conta coa colaboración do Goberno local e que ofrecerá “un programa magnífico” da man da Coral de Valadares e o Grupo de Cámara Unión Musical de Valadares.
