Abel Caballero presentou esta mañá, con representantes das 32 entidades que forman parte da Agrupación de Centros Deportivos e Culturais, a nova edición do “Vente con Nós”. O programa desprega ata o mes de outubro unha ampla oferta de música, baile, danza e teatro, en barrios, parroquias, asociaciones veciñais e colectivos culturais de toda a cidade.
O Concello publicará mañá, venres 10 de abril, as bases da convocatoria para seleccionar as actuacións do ciclo de concertos ao aire libre nos xardíns do Pazo de Castrelos deste verán.
O alcalde saudou ás persoas participantes nas Xornadas de Formación Directiva do Departamento de Aduanas e Impostos Especiais da Agencia Estatal de Administración Tributaria, destacando a importancia desta formación para reforzar a capacidade de control, coordinación institucional e loita contra a fraude nun contexto global cada vez máis complexo. O rexedor puxo en valor o papel do persoal directivo e técnico, así como dos funcionarios do Corpo Superior de Inspectores de Facenda e de Vixilancia Aduaneira, subliñando que o seu traballo resulta esencial para garantir a seguridade económica, combater o tráfico ilegal e asegurar o correcto funcionamento do comercio internacional.
Abel Caballero trasladou esta mañá aos responsables da organización das festas do Cristo dos Aflixidos de Bouzas a renovación do apoio municipal á celebración prevista para o próximo mes de xullo.
O alcalde felicitou esta mañá á organización das dúas probas, que terán lugar este domingo 12 de abril entre Vigo, Nigrán e Baiona, polo esforzo loxístico despregado durante 25 anos para consolidar a súa proxección nacional e internacional e conseguir unha participación multitudinaria.
Abel Caballero, David Regades e a organización avanzaron as novidades desta edición, que se celebra no IFEVI do 24 ao 26 de abril, co obxectivo de superar os 25.000 espectadores e como único salón de motorshow da península.
O alcalde felicitou esta tarde ao novelista Fernando Hernández pola súa nova obra "Conmigo morre o teu segredo". Caballero interesouse polo proceso creativo do autor que comparte a súa paixón pola literatura e a escritura coa súa profesión como policía local. Tamén animouno a continuar coa súa vocación literaria.
Abel Caballero participou este martes na presentación da décima edición da feira do naval, que se celebrará no Ifevi do 19 ao 21 de maio, e que duplicará a superficie de innovación amais de incrementar a presenza de startups, profesionais e persoas emprendedoras do sector.
Abel Caballero expresou este martes o seu apoio á reclamación que o Servizo de Cirurxía Cardíaca de Hospital Álvaro Cunqueiro fai á Xunta para que restableza a poboación de referencia da área sanitaria de Vigo, rebaixada en 2013 en 300.000 pacientes que foron desviados a Santiago.
A previsión municipal é que os pregos e as bases do acordo sexan aprobadas o venres, 10 de abril, na Xunta de Goberno Local. “Cando en Vigo operamos desde o diálogo e a unidade, sacamos as cousas adiante”, indicou o rexedor olívico.