Vigo celebra o Día das Letras cun programa especial en homenaxe a Begoña Caamaño
O Concello inicia este domingo 17 de maio a programación coas seis citas culturais que se desenvolverán durante a próxima semana en recordo da xornalista e escritora viguesa á que este ano se dedica o Día das Letras Galegas.
Abel Caballero presentou esta mañá os actos culturais que contarán coas actuacións do alumnado da Escola Municipal de Vigo de Música e Folk Tradicional, ETRAD.
Programa
. 17 de maio: Ás 12,00 horas o director da ETRAD, Anxo Pintos, lerá na Porta do Sol (MARCO se chove) o bando do Día das Letras Galegas. Haberá lectura de textos de Begoña Caamaño e regueifas nas asociacións Nosa Terra de Alcabre, Atlántida de Matamá e de Freixo-Valadares.
. 18 de maio: Actuación, 19,00 horas, do alumnado da aula de canto popular, na rúa Príncipe fronte ao MARCO (EMAO se chove).
.19 de maio: Actuación, ás 19,00 horas, do alumnado da aula de canto popular, na rúa Príncipe fronte ao MARCO (EMAO se chove).
.20 de maio: Actuación, ás 19,00 horas, horas na rúa Príncipe fronte ao MARCO das alumnas das aulas abertas de pandereteiras e de coro. Tamén está programada no Auditorio Municipal a actuación do rockeiro Pakolas.
. 22 de maio: Nova edición de Correlingua con saída ás 10,30 horas desde a Praza do Rei.
. 23 de maio: Regueifas ás 19,30 horas no auditorio da Asociación de San Miguel de Oia.
Actividades
Durante todo o mes de maio a biblioteca Neira Vilas desprega un programa especial con actividades para todas as idades.
O Concello facilita aos colexios o libro “Mulleres nas nosas letras”, da editorial Ir Indo, e unha bolsa coa imaxe de Begoña Caamaño.
O paseo peonil do Calvario acollerá a partir de mañá venres, 15 de maio, a exposición “A meniña que perdeu un zapato na lama”, producida pola Editorial Galaxia.