O alcalde deu conta esta mañá do avance do Programa de axudas para a rehabilitación de vivendas e mellora de eficiencia enerxética. Concretamente, esta mañá achegouse aos 12 pisos de Santa Clara que veñen a sumarse ás máis de 400 vivendas nas que se fixeron importantes actuacións de mellora.
A Xunta de Goberno aprobará mañá a adxudicación das obras do macroparque infantil da Finca Matías, un proxecto que converterá este ámbito situado entre Travesía de Vigo e a rúa Aragón no maior espazo de xogos da cidade. A actuación contará cun investimento de 2.850.000 euros e un prazo de execución de oito meses.
O alcalde presentou esta mañá os 15 concertos organizados ao longo do mes de maio en distintos escenarios da cidade dentro da vixésima edición do Festival das Letras Galegas. Ademais, o 17 de maio está programado un concurso coral infantil e xuvenil no Teatro García Barbón.
Abel Caballero e Carmela Silva, primeira tenente de Alcaldía, asistiron á xornada formativa organizada pola Subdelegación do Goberno en Pontevedra e o Colexio de Farmacia de Pontevedra para que as farmacias da cidade se incorporen á rede de espazos seguros para as mulleres que sofren calquera tipo de violencia machista.
O Concello inicia este domingo 17 de maio a programación coas seis citas culturais que se desenvolverán durante a próxima semana en recordo da xornalista e escritora viguesa á que este ano se dedica o Día das Letras Galegas.
O alcalde participou este xoves na presentación do festival gratuíto de ciencia en bares que se celebra entre o 18 e o 20 de de maio. Trátase do maior evento internacional destas características, con accións nos cinco continentes e no que investigadores de todas as disciplinas comparten o seu traballo co público nun ambiente pouco habitual para a ciencia: os bares.