O Goberno municipal programa 16 concertos de corais para celebrar o 17 de maio
O alcalde presentou esta mañá os 15 concertos organizados ao longo do mes de maio en distintos escenarios da cidade dentro da vixésima edición do Festival das Letras Galegas. Ademais, o 17 de maio está programado un concurso coral infantil e xuvenil no Teatro García Barbón.
Abel Caballero afirmou que o festival “Vigo, un mar de corais” é o forma de “cantar ás letras galegas coa música marabillosa das intérpretes das formacións musicais da cidade”. Durante a presentación, o presidente da Federación de Bandas de Música Populares de Vigo e de Acopovi, Enrique Lorenzo, destacou a iniciativa de celebrar o “Día das letras Galegas” cos concertos de 39 formacións corais da cidade e agradeceu ao Goberno municipal as actividades e recitais que promove ao longo de todo o ano.
A XX edición do Festival das Letras Galegas desenvolverase ata o 30 de maio con 39 agrupacións que ofrecerán 15 concertos en distintos escenarios, barrios e parrorquias da cidade. Ademais, o propio domingo 17 de maio, o Teatro García Barbón acollerá as interpretacións de 8 coros de Vigo, Ourense, A Coruña, O Rosal e Goián no marco do II Concurso Coral Infantil e Xuvenil.