O rexedor mantivo un encontro este mércores con Antonio Corredoira Alfonso quen, dende o mes de decembro, exerce como cónsul honorario de Ucraína en Galicia, e que lle agradeceu o trato que reciben as máis de 500 persoas ucraínas que viven na área de Vigo. O alcalde comprometeuse a deixarlles un local na cidade para desenvolver diferentes actividades e a estudar as posibilidades de cesión de xeneradores de electricidade e de vehículos de bombeiros, un extremo que trasladou o cónsul explicando que a poboación está sufrindo unha grave crise enerxética. Antonio Corredoira tamén lle propuxo a Abel Caballero o irmandamento de Vigo con Nicolaiev, unha das principais cidades ucraínas.
O Concello iniciou este martes a instalación de 2 das 4 ramplas mecánicas proxectadas en Pintor Colmeiro, entre Álvaro Cunqueiro e Tarragona, que mellorarán a mobilidade da zona ao completar o corredor mecánico entre López Mora e Hispanidade, ademais de facilitar o acceso ao centro de saúde, segundo apuntou este martes o alcalde tras avanzar que a obra conta cun investimento de preto de 2,5 millóns de euros.
Abel Caballero participou este martes na sinatura do convenio entre Zona Franca e Asime para poñer en marcha a primeira Aceleradora de Innovación, Desenvolvemento de Negocio e Internacionalización en materia de Seguridade e Defensa, que será única en Europa. O acto foi clausurado pola secretaria de Estado de Defensa, Amparo Valcarce.
O rexedor vigués reuniuse esta tarde con representantes da Corporación Municipal Celaya (Guanajuato - México), cidades irmandadas dende o ano 2014 para promover intercambios económicos e culturais. Ambas as cidades están vinculadas pola intensa industria de automoción, presente en ambos os territorios e precisamente sobre este eixo pivota dita relación internacional. Os representantes de Celaya mostraron o seu interese en reactivar a relación co obxectivo de buscar acordos económicos que permitan unir sinerxias. Ademais do alcalde, na reunión participaron o delegado especial de Zona Franca, David Regades, a tenente de alcalde Carmela Silva, o secretario xeral de ASIME, Enrique Mallón, o secretario do municipio de Celaya, Daniel Nieto e representantes de diferentes empresas viguesas que traballan no país tricolor. Ademais da visita presencial, o alcalde mantivo unha charla por videoconferencia co seu homólogo mexicano e acordaron reiniciar e relanzar a relación económica entre ambos os territorios.
No último trimestre de 2025 o Concello pagou preto de 72 millóns de euros aos provedores municipais nun prazo de 5,8 días, segundo destacou hoxe Abel Caballero. “ Temos un tempo récord de pago en toda España”, remarcou o alcalde.
Vigo contará con 8 xulgados de Instrución tal e como demandan o sector e o Goberno municipal. O Ministerio de Xustiza vén de anunciar a restitución da sala 8 de Vigo a través dun decreto que se aprobará “en breve” no Consello de Ministros
A Vigo Film Office presentou na Feira Internacional de Turismo “O Nadal de Vigo: un plató a ceo aberto”, poñendo en valor como as luces máis famosas do mundo se converteron nun auténtico imán para as producións audiovisuais. Abel Caballero: “Vigo préstase para a realidade, a imaxinación, o mito e a ficción”.
Abel Caballero proclamou este xoves en Fitur, durante o acto de presentación da campaña “Vigo, un Nadal de 365 días” ante un abarrotado espazo de Turespaña, que Vigo “é unha cidade única e é o Nadal: o fenómeno turístico emerxente máis importante deste século no mundo”. O alcalde destacou a proxección internacional alcanzada por Vigo “partindo desde cero” e que a cidade atópase todo o ano “en tempada alta” pola extensión de xaneiro a decembro das ofertas turísticas, culturais e gastronómicas.
Abel Caballero lamentou este mércores que Vigo quedara sen facultade de Medicina como consecuencia do pacto que ratifica o acordo entre os reitores das universidades de Vigo, Santiago e A Coruña e os conselleiros de Sanidade e Universidades para descentralizar a docencia teórica e clínica en 4º,5º e 6º do grao. “Estou en absoluto desacordo”, recalcou.
O alcalde informou este martes que o Concello de Vigo se une aos tres días de loito oficial, decretados polo Goberno de España, polas vítimas do accidente de tren en Adamuz. Así, as bandeiras da Praza do Rei ondean a media hasta desde hoxe e ata o xoves 22 de xaneiro. Caballero trasladou as condolencias da cidade e o cariño ás familias das vítimas para “acompañalos nestes momentos tan dolorosos”, desexando unha “pronta recuperación a tódalas persoas feridas”.
