As fontes de Aragón ilumínanse de vermello este venres, 17 de abril, para celebrar o Día Mundial da Hemofilia, que neste 2026 pon o foco na importancia de mellorar o diagnóstico. A hemofilia é un transtorno da coagulación do sangue que no caso da hemofilia A, afecta a 1 de cada 5.000 homes e, no caso da hemofilia B, afecta a 1 de cada 30.000 homes.
O alcalde participou este xoves na inauguración do congreso, que reúne no Auditorio Mar de Vigo a máis de 600 profesionais de toda España, representantes dos principais centros asistenciais e de investigación para reflexionar sobre avances na uroloxía oncolóxica e para fortalecer a colaboración institucional en materia de saúde.
Abel Caballero anunciou este xoves ás 18 entidades que forman parte da agrupación que no ano 2027 sumarán esta nova axuda ao apoio actual. O Concello cédelles de xeito gratuíto o Auditorio Municipal para poñer en escena as obras programadas nos certames de teatro.
O alcalde saudou este mércores aos máis de 500 alumnas e alumnos de trece centros educativos da cidade, que asistiron no Auditorio Municipal ao espectáculo “Ecoralia, a lambona ecolóxica”, unha xornada organizada polo Concello dentro da programación de normalización lingüística. A través de cancións e narracións a ritmo de rock coa súa guitarra, Pakolas achegoulles a historia da maga Ecoralia, que aborda a importancia do consumo ecolóxico para coidar o medio ambiente, combater o cambio climático e garantir o benestar animal.
Incorporou a 22 novas altas e realizou 4.606 chamadas para atender as necesidades das persoas usuarias.
O alcalde recibiu aos representantes da Sociedade Jules Verne de Vigo e amosou a súa “máxima ilusión” pola celebración na cidade do V Congreso Internacional Verniano no ano 2028, coincidindo con tres efemérides clave: o bicentenario do nacemento de Jules Verne, o sesquicentenario da súa primeira visita a Vigo e o 160 aniversario da chegada do Nautilus á ría. Caballero cualificou o evento como unha “oportunidade extraordinaria” para a proxección internacional da cidade e comprometeu a colaboración do Concello “en todo o necesario” para garantir o éxito da cita. O congreso reunirá en Vigo a especialistas internacionais na figura do escritor francés, que presentarán novos estudos sobre a súa obra e legado, consolidando a cidade como referente verniano. O alcalde destacou a relevancia de que Vigo se sume a sedes como Barcelona, A Habana, Palma de Mallorca ou Colombia, e subliñou que a cidade está preparada para acoller “un congreso excepcional” que reforzará a súa dimensión cultural e científica a nivel global.
O alcalde informou do inicio, este martes, das obras de reparación das humidades detectadas na fachada da segunda planta do edificio do museo, que permitirán unha mellora térmica e de mantemento.
O alcalde achegouse ata o tramo final da autoestrada, onde puxo en valor o protocolo asinado co Ministerio de Transportes para a humanización da AP-9 desde Redondela ata a entrada na cidade. O Concello actuará no tramo entre Isaac Peral e Alfonso XIII, “cunha proposta que o anteproxecto e o proxecto definirán”.
“Vigo incorpórase vitalmente ao Día das Forzas Armadas”. É a mensaxe que trasladou esta mañá Abel Caballero ao xefe do Estado Maior da Defensa, Teodoro Esteban López Calderón, no acto de presentación do programa que se despregará na cidade do 26 ao 31 de maio. A celebración contará con exhibicións, unha revista naval, música e o desfile aéreo.
As instalacións de Freire Shipyard acolleron este luns a cerimonia de botadura do buque “A22 Proserpina”, destinado á Armada española e que servirá como apoio á Escola Militar de buceo para realizar operacións complexas de intervención subacuática. O acto contou coa presenza de Antonio Piñeiro Sánchez, xefe do Estado Maior da Armada; Marcos Freire, director xeral de Freire e Pedro Blanco, delegado do Goberno en Galicia. Abel Caballero celebrou este fito do “gran estaleiro” que con máis dun século de historia situado “no corazón da cidade” foi quen de “avanzar na forma de entender a construción naval e foi capaz de innovar en tecnoloxía”.