Vigo supera o 91% de ocupación hoteleira coa celebración dos actos do Día das Forzas Armadas
Abel Caballero destacou este xoves o elevado nivel de ocupación rexistrado durante esta semana nos hoteis da cidade con motivo das actividades protagonizadas polas Forzas Armadas, que confluirán o sábado no desfile terrestre e aéreo que terá lugar en Samil.
Os hoteis rexistran este xoves un nivel do ocupación do 95 por cento; mañá alcanzarán o 96 por cento e o sábado a ocupación sitúase nun 81 por cento, tal e como sinalou o rexedor, destacando o “cheo total nos hoteis de Vigo” polo desfile en Samil e as celebracións do Día das Forzas Armadas.