Con motivo dos actos de celebración do DIFAS 2026 en Vigo, nas pistas de atletismo de Balaídos púidose gozar dunha exhibición de persoal e material. Nesta actividade, unidades como a Garda Real, a Unidade Militar de Emerxencias (UME) ou a Garda Civil ofreceron unha serie de demostracións, como unha exhibición de unidades caninas, rescates ou desactivación de explosivos, entre outras.
Abel Caballero e Abel Losada, subdelegado do Goberno en Pontevedra presidiron este mércores a reunión da Xunta de Seguridade previa á celebración do Día das Forzas Armadas este sábado en Vigo. Os actos contarán coa presenza dos Reis de España e da Princesa Leonor. Representantes da Casa Real, do Estado Maior Da Defensa, da Policía Nacional, Local e Autonómica así como da Garda Civil; da Zona Franca, da Autoridade Portuaria e das Urxencias Sanitarias e Emerxencias de Galicia, abordaron o dispositivo de protección para garantir o desenvolvemento seguro dos actos e da Familia Real así como a mobilidade urbana ante a previsible afluencia importante de público para contemplar o desfile das Forzas Armaras e a exhibición aérea.
O alcalde deu conta esta mañá da licitación da segunda fase das obras de reforma das instalacións municipais da Policía Local. A partida total adicada á mellora destas dependencias é de 681.000 euros.
O alumnado das escolas municipais de música, música folk e tradicional, danza e teatro, poderán reservar praza ata o martes 19 de xuño. Desde o venres 22 de xuño, ata o 9 de setembro, permanecerá aberto o período para as solicitudes dos novo alumnado. As clases comezará o xoves 1 de outubro.
“CMAG – Vigo” será unha exposición permanente con máis de 70 obras e pezas inéditas de Lugrís, Laxeiro, Berta Cáccamo, Isaac Díaz Pardo ou Sotomayor que se poderán visitar no primeiro andar da Casa das Artes a partir do 12 de xuño.
Abel Caballero anunciou que o Patio de Armas será o escenario onde se interprete a obra “Vigo 1719: Unha loita esquecida”, que terá lugar este domingo 31 de maio ás 19:30 horas.
Abel Caballero e Carmela Silva, primeira tenente de Alcaldía, participaron este mércores na inauguración do “Encontro de Investigación Mariña do CSIC: Cara unha ciencia mariña más conectada, colaborativa e estratéxica” no marco da conmemoración do seu 75 aniversario. Durante dúas xornadas, o persoal investigador do ámbito mariño intercambiará coñecemento, promoverá a innovación científica e poñerá en valor o papel dos ecosistemas mariños como clave no desenvolvemento sostible. O rexedor salientou o labor desenvolvido polo CSIC ao longo da súa historia e fixo unha mención especial ao Instituto de Investigacións Mariñas de Vigo, organizador deste encontro científico, polo seu traballo de excelencia a nivel mundial.