O alcalde felicitou esta mañá aos membros dos exércitos “da paz” polo traballo que desenvolven na seguridade, defensa e salvagarda continua da cidadanía. “Estamos encantados de que o Día das Forzas Armadas se celebre en Vigo”, afirmou na inauguración das actividades programadas na cidade.
450 persoas de toda Galicia xa están inscritas para participar na Gala de entrega dos galardóns que se celebrará o 4 de xuño no Auditorio Mar de Vigo. Caballero eloxia uns premios que “recoñecen a excelencia empresarial da área de Vigo".
O conxunto olívico foi recibido este martes polo rexedor, quen lles trasladou a felicitación no nome da cidade polo ascenso á terceira categoría nacional do balonmán feminino. Caballero desexou ás xogadoras e ao cadro técnico e directivo a mellor das sortes nesta nova etapa que comezan nunha competición esixente na que demostrarán o seu bo facer na cancha.
Na presentación do evento, a organización destacou que concentrará a maior exposición comercial de autocaravanas, caravanas, campers, accesorios e turismo de cámping. "Profesionais do sector atenderán no IFEVI do 28 ao 31 de maio ás persoas interesadas neste modelo de turístico en crecemento, vinculado á natureza, á mobilidade e á actividade ao aire libre", apuntou a concelleira de Turismo, María Lago.