Alcaldía

Abel Caballero impón a medalla de Vigués Distinguido a José Silveira

Caballero traslada a súa dor pola morte do empresario José Silveira Cañizares

xoves, 5 out 2023

Abel Caballero expresou este xoves o seu pesar pola morte do “gran empresario, gran vigués, e gran persoa ” José Silveira Cañizares, fundador do Grupo Nosa Terra 21. O alcalde trasladou as súas condolencias á familia do falecido e remarcou que o emprendedor foi recoñecido en 2017 como “Vigués Distinguido”. O rexedor destacou que José Silveira creou un grupo empresarial en Vigo “desde a nada” co que contribuíu a potenciar a economía de Vigo. Lembrou que foi o “primeiro gran empresario navieiro” e propietario do Hospital Povisa. Caballero incidiu no recoñecemento como empresario e na súa dimensión persoal, “porque era unha gran persoa, que quería á cidade” onde chegou desde a súa Estremadura natal na década dos anos 60 do século pasado. “Teño unha gran tristeza persoal polo seu falecemento”, afirmou.

Abel Caballero visita Conxemar xunto ao ministro de Agricultura e Pesca

mércores, 4 out 2023

O alcalde asistiu á Feira de Conxemar xunto ao ministro de Agricultura, Pesca e Alimentación, Luis Planas. O mandatario do Goberno de España achegouse a Vigo para participar na feira de peixe conxelado "máis importante do mundo", tal e como expresou durante estes días Abel Caballero. Os representantes institucionais percorreron os distintos stands onde puideron observar de primeira man o "produto de calidade" que se está a comercializar estes días no Instituto Feiral de Vigo. Conxemar bateu récords de postos e países participantes nesta 24º edición na que a Food and Agriculture Organization (FAO) estivo presente nos actos inaugurais do evento. O alcalde abrazou estes días a idea de que axencia da ONU manteña una representación e oficina permanente na cidade de Vigo "como capital mundial da pesca".

Foto de arquivo da rúa Cesteiros no Casco Vello

O Concello xestiona 21 millóns en axudas para melloras en vivendas e edificios

martes, 3 out 2023

Abel Caballero explicou este martes que a execución de fondos procedentes dos convenios das Áreas de Rehabilitación Integral, ARIS, do Ministerio de Transporte, Moviilidad e Axenda Urbana, colocan a Vigo como a cidade que máis recursos está a dedicar, en proporción ao seu tamaño, dentro dos plans estatais de vivenda. O total de axudas concedidas ata o de agora ascende a 14,6 millóns de euros.

O alcalde coas outras autoridades presentes na inauguración de Conxemar 2023

O alcalde avoga por dar a Conxemar o espazo “que necesite”

martes, 3 out 2023

O alcalde de Vigo defendeu este martes ante o presidente da Xunta e responsables de Conxemar, co gallo do inicio da XXIV edición da cita internacional do sector dos produtos do mar conxelados, a transcendencia de proporcionar á organización da feira os medios que precisen para seguir crecendo e manterse como referente mundial do sector pesqueiro.

Caballero louva ao sector do mar na apertura do Congreso Conxemar-FAO

luns, 2 out 2023

O alcalde trasladou aos asistentes a importancia da ciencia para seguir na senda de máis economía, máis sostibilidade e máis medioambiente. Tamén reivindicou que as medidas políticas estean baseadas na ciencia e cualificou de “inxusto” o regulamento da Unión Europea en augas profundas. Abel Caballero configurou o binomio alimentación e pesca como un eixo fundamental da feira de Conxemar e reivindicou Vigo como capital da pesca: “É por iso que Vigo precisa dunha representación e oficina da FAO, trazarémola conxuntamente e non imos parar ata conseguilo”, anunciou. O rexedor explicou como “as melloras na eficiencia garanten unha maior trazabilidade e optimizan a relación calidade-prezo”.