Caballero mostra a Vigo como cidade saudable coa promoción da práctica do deporte en todas as idades
Abel Caballero puxo en valor este xoves os programas que desenvolve o Concello para fomentar e mobilizar a práctica do deporte en todas as idades coa finalidade de xerar hábitos saudables entre a cidadanía. Así se expresou no acto de presentación da iniciativa “A Máquina do Tempo”, que co lema “Adiántate ao futuro e gaña anos de vida”, organiza a Fundación Mapfre coa Sociedade Española de Medicina Familiar e Comunitaria de promoción da saúde. O alcalde afirmou, que “a vida saudable, a saúde e a nova revolución cultural éo todo na cidade” e por iso “en Vigo tentámolo de moitas formas”. A unidade móbil na que os interesados poden comprobar a súa idade biolóxica, e o estado de saúde, permanece en Urzáiz, na praza do Farola ata o sábado 8 de xuño.
