Este mes de xuño o Goberno de España iniciará as obras de reparación e asfaltado das autovías da contorna de Vigo: A-55, A-52 e VG20, segundo avanzou hoxe o alcalde. O Ministerio de Transportes realizará unha contratación de emerxencia, “vai afrontar coa máxima celeridade posible, e vai achegar 6 millóns de euros á reforma en profundidade das autovías”, afirmou Abel Caballero.
No Día Mundial do Medio Ambiente, que se conmemora cada 5 de xuño, o rexedor vigués relatou os diferentes traballos que se realizan dende o Concello para o seu fomento.
Axentes da Policía Local participaron hoxe nunha nova iniciativa de formación, centrada en mellorar os coñecementos para atender ás persoas maiores e ás afectadas con distintos tipos de demencias. Así o apuntou este mércores o alcalde ao indicar que unha psicóloga da Asociación de Familiares de Enfermos de Alzheimer, AFAGA, dirixiu a sesión.
O alcalde de Vigo presentou este mércores a Nocturna Correndo por Vigo que se desenvolve este sábado á altura do mercado das Travesas (22:00 horas) e que volve “tras cinco anos” cunha soa distancia: o 10.000 e o mesmo percorrido que en 2019, a súa anterior edición.
O evento reunirá viños das cinco denominacións de orixe de Galicia con catas especializadas, actuacións musicais e zona gastronómica para degustar produtos galegos. A I Festa do Viño Galego de Vigo celébrase na azotea do Centro Comercial A Laxe entre o 5 e o 7 de xullo, entre as 12 da mañá e as 12 da noite. Na presentación participaron hoxe David Regades, delegado do Estado na Zona Franca de Vigo, o concelleiro de Comercio, Ángel Rivas, e Andrés Malga de Vigoplan, organizadores do evento.