Abel Caballero apuntou que “o Halo iniciou a súa actividade o 16 de febreiro” e dende entón conta “cunha media de entre 5.000 e 6.000 utilizacións diarias” dos ascensores. O rexedor avanzou que “cada vez teremos máis ramplas e ascensores” como sistema de mobilidade “que combate o cambio climático”.
O goberno local segue promovendo o programa de alugueiro de vivendas a prezo taxado para o que iniciará o próximo martes unha modificación orzamentaria de 885.130 euros, dos que 150.000 serán destinados a este programa. O resto do montante estará destinado a adquirir parcelas no entorno do Ifevi e no paseo do Lagares así como para urbanizar distintas zonas da cidade.
A Xunta de Goberno do Concello de Vigo aprobou hoxe a segunda e última prórroga do contrato do Servizo de Axuda no Fogar, de decembro do 2024 a novembro de 2025, por un importe de 10.574.116 euros. A Atención á dependencia “é o servizo que se presta con maior orzamento en toda a área da política social”, lembrou este venres o alcalde.
Abel Caballero, alcalde de Vigo, anunciou que do 17 ao 30 de xuño ao redor de 5.000 participantes competirán nas modalidades de fútbol sala (do 17 ao 23) e de fútbol 7 e fútbol 11 (luns 24 ao domingo 30) nos mellores campos do municipio.
A Xunta de Goberno Local aprobou este venres a subvención nominativa á Fundación Mayeusis para a organización do programa que prevé 34 concertos en espazos naturais da cidade.