Abel Caballero fixo balance este luns do traballo do seu goberno ao longo do 2020, un ano “difícil, duro” no que Vigo “incrementou coma nunca a política social, os investimentos, a xeración de emprego e intentou rexenerar a actividade económica mentres faciamos unha loita denodada da Covid-19”.
Abel Caballero participou este martes na decoración e acendido da árbore de Nadal do centro hospitalario da que pendurou unha bóla co seu desexo de “cariño, felicidade e o fin da pandemia” para o vindeiro ano 2021. Ademais, trasladou ao persoal de Povisa o “aplauso en nome da cidade por todo o traballo” feito desde o inicio da crise do Covid-19 e o que seguen a desenvolver nestes momentos e apelou á prudencia da cidadanía para vivir as festas nestes “tempos complexos”.
O alcalde explicou este martes en rolda de prensa que o goberno municipal quere dar prioridade á mobilidade das persoas fronte ao tráfico rodado nestes días de movemento por mor das festas do Nadal, polo que amplía as horas de peche de varias rúas do centro.
O concelleiro de Cultura, Abel Losada, vén de remitir unha carta ao conselleiro Román Rodríguez demandando a suba do financiamento ao museo que na actualidade é de 100.000 euros, do mesmo xeito que o goberno autonómico incrementou a achega ao Centro Galego de Arte Contemporánea de Santiago que “financia na súa totalidade”.
O alcalde destaca a importancia desta peza do patrimonio histórico-artístico da cidade que se deseñou a mediados do século pasado e que se atopa deteriorada e que se recuperará ao abeiro do convenio asinado coa Diocese Tui Vigo.
Abel Caballero e o delegado de Zona Franca, David Regades, asinaron este luns un convenio de colaboración para a conexión mediante fibra óptica entre edificios do Consorcio e para a colocación de paneis informativos na cidade, especialmente, nas zonas dos aparcamentos.
Abel Caballero visitou este venres as instalacións do centro comercial Coia 4 logo das obras de reforma e rehabilitación realizadas tralo incendio que sufriron o pasado mes de outubro e que danou arredor de 80 locais. O rexedor trasladoulle aos comerciantes o ánimo e apoio do goberno municipal no reinicio da actividade e felicitounos pola axilidade coa que foron quen de acometer os traballos de rehabilitación e reparación dos espazos
O goberno local avanza na rehabilitación da fachada da Basílica aprobando o concurso de ideas que permitirá buscar a mellor solución para a reforma das seis edificacións existentes e transformalas nun edificio dotacional. O importe do proxecto é de 78.000 euros e o primeiro clasificado ademais de recibir 15.000 euros, redactará o proxecto básico e de execución.
O VI Programa municipal de medianeiras suma unha nova obra de arte urbana no pavillón de Romil na que “Pelucas” reflicte un universo deportivo, animal e artístico cunha intervención realizada en tres ámbitos do exterior da instalación deportiva. Abel Caballero e Carmela Silva achegáronse este xoves a coñecer o novo traballo do artista para o festival de arte “Vigo cidade de cor” que conta xa con 133 murais nas rúas e colexios vigueses.
O alcalde participou este mércores por videoconferencia no II Foro Nacional “Turismo e despoboamento rural” no que defendeu a necesidade de “reverter a desertización e o despoboamento rural que é unha degradación do territorio”. Aposta Caballero polo uso dos fondos europeos e dos fondos Covid do Goberno de España no repoboamento do rural xa que o turismo, dixo, “debe estar ligado ao territorio”, sendo “unha “panca” para a repoboación polo que precisa de axudas. E no ámbito rural, a actividade lígase a oportunidades económicas e á calidade de vida que “debemos potenciar”.