venres, 4 set 2009
O tenente de alcalde e presidente do Consorcio do Casco Vello, Santi Domínguez, sinalou hoxe que a zona alta do Casco Vello estase a transformar nun novo barrio de San Sebastián e puxo o primeiro edificio xa totalmente rehabilitado polo Consorcio como exemplo dos cumpromisos cumpridos. Tras realizar un percorrido pola zona, salientou que nos vindeiros meses serán xa 52 as vivendas rehabilitadas en 10 edificios da parte alta do barrio, de xeito que as actuacións que se están levando a cabo "configurarán un novo barrio dentro do Casco Vello".
xoves, 3 set 2009
O tenente de alcalde, Santi Domínguez, explicou este xoves que a musealización do xacemento arqueolóxico de O Castro prestará especial atención á accesibilidade e contará cunha maqueta tiflolóxica realizada en bronce. Durante a visita que realizou ao xacemento xunto aos concelleiros de Patrimonio Histórico, Eudosio Álvarez, Benestar Social, María Méndez, e Deportes, Xabier Alonso, subliñou que este proxecto mostra unha especial sensibilidade coas personas con deficiencias visuais, xa que tamén contará cun texto en braille que facilitarán a súa interpretación.
xoves, 13 ago 2009
Dado o gran éxito acadado polo programa de visitas teatralizadas ao museo de Castrelos "Misterio no museo", o concelleiro de Patrimonio Histórico, Eudosio Álvarez, anunciou este xoves que no mes de setembro reanudarase esta iniciativa. "Estamos a traballar para que toda a cidadanía poida disfrutar desta proposta e queremos que o programa teña continuidade no vindeiro ano", salientou o concelleiro nacionalista.
mércores, 12 ago 2009
As invitacións para asistir ás visitas teatralizadas "Misterio no museo" os vindeiros días 19, 20 e 21 de agosto, están xa esgotadas, segundo anunciou este mércores o concelleiro de Patrimonio Histórico, Eudosio Álvarez. Ao respecto, o edil do BNG salientou que en só dúas horas, en concreto de 8.30 a 10.30 horas, repartíronse as 150 entradas postas a disposición do público.
martes, 11 ago 2009
O museo Quiñones de León acollerá a visita teatralizada "Misterio no museo" os vindeiros días 19, 20 e 21 de agosto, segundo anunciou este martes o concelleiro de Patrimonio Histórico, Eudosio Álvarez. Ao respecto, o concelleiro nacionalista adiantou que esta iniciativa "é o primeiro experimento dun proxecto que se vai desenvolver ao longo do vindeiro ano".
xoves, 16 xul 2009
O tenente de alcalde, Santi Domínguez, anunciou hoxe que acaban de adquirirse tres inmobles na rúa Abeleira Menéndez, un deles o pazo de Arias Taboada, para a ubicación da pinacoteca municipal, que será un novo centro expositivo do Museo da Cidade. O concelleiro asegurou que esté é o punto de partida para cumprir o compromiso de ter un lugar axeitado para expoñer os fondos pictóricos de Castrelos, que agora non se poden amosar por falta de espazo.
martes, 30 xuñ 2009
O tenente de alcalde, Santi Domínguez, presentou este martes a campaña "Merca no Vigo histórico... as túas compras viaxan gratis", que ofrecerá aos clientes que acudan ao centro da cidade para realizar as súas compras de aparcamento e autobús gratuitos. Mediante esta iniciativa, organizada polas concellerías de Cascos Históricos e Patrimonio Histórico, xunto aos centros comerciais abertos Centro Príncipe, Zona Centro e Vigo Vello, e os mercados de O Berbés e Progreso, cada cliente que realize unha compra superior a 10 euros recibirá unha hora de aparcamento gratuíta ou unha viaxe en autobús tamén de balde.
luns, 22 xuñ 2009
O concelleiro de Patrimonio Histórico, Eudosio Álvarez, presentou este luns dous novos obradoiros do Centro de Artesanía Tradicional, centrados na cestería e o tecido, que se desenvolverán ao longo de xullo e agosto. Segundo o concelleiro nacionalista, estas novas propostas, de carácter gratuíto, teñen como obxectivo "achegar á cidadanía, e sobre todo á xente moza, os oficios tradicionais máis emblemáticos de Galiza".
venres, 19 xuñ 2009
O concelleiro de Patrimonio Histórico, Eudosio Álvarez, anunciou este venres que por primeira vez a cidadanía viguesa terá a oportunidade de coñecer as características da muralla da cidade mediante a elaboración dun documental e a súa recreación virtual. O edil, na visita que hoxe realizou aos restos da muralla que se atopan no Paseo de Alfonso sinalou que neste momento se están analizando os seus parámetros para coñecer a súas dimensións.
xoves, 11 xuñ 2009
O CAT, Centro de Artesanía Tradicional do Concello de Vigo, desenvolverá entre xullo e agosto as súas actividades estivais con dous obradoiros que queren achegar á cidadanía dous dos oficios tradicionais máis emblemáticos de Galicia: o tecido e a cestería.
