xoves, 4 xuñ 2009
O Padroado do Museo Quiñones de León acordou onte organizar unha exposición cos seus fondos plásticos na Casa das Artes no segundo semestre do 2010, segundo informou este xoves o concelleiro de Patrimonio Histórico, Eudosio Álvarez. Segundo salientou o edil, este proxecto forma parte do "novo reto" proposto dende Patrimonio Histórico para poñer en marcha o futuro Museo da Cidade.<br />
<br />
mércores, 27 mai 2009
O xoves,28 de maio finaliza o ciclo de conferencias O FIN DO RURAL GALEGO? coa intervención do experto en cultura tradicional, Felipe Senén López Gómez, que dende as 19:30 horas falará de "Galicia: tradición e globalización a través das formas" no Auditorio do Edificio Municipal do Areal-
xoves, 21 mai 2009
Converter o Pazo-Museo Quiñones de León no Museo da Cidade será unha das principais tarefas que o concelleiro de Patrimonio Histórico, Eudosio Álvarez, se marca como obxectivo. A elaboración do Plan Especial do Parque de Castrelos e o Plan Especial do Monte do Castro, así como a posta en valor do patrimonio industrial da cidade e tamén a recuperación do patrimonio construido do Casco Vello e Bouzas completan os eixos do labor do concelleiro nos dous anos que restan de mandato.
mércores, 20 mai 2009
O xoves 21, as 19:30 h, dentro do ciclo de conferencias O fin do rural galego? organizado polo CAT Centro de Artesanía Tradicional de Vigo no Auditorio do Edificio Municipal do Areal (Rúa Areal, 46), contarase coa presencia de Xerardo Pereiro que falará das "Miradas cruzadas entre o rural e o urbano galegos"
mércores, 20 mai 2009
O tenente de alcalde, Santi Domínguez, salientou este mércores que é "a primeira vez" que se leva a cabo unha actuación de posta en valor e musealización no xacemento arqueolóxico do Castro "para revitalizar o noso patrimonio". A actuación contará cun investimento dun millón de euros.<br />
venres, 15 mai 2009
O tenente de alcalde, Santi Domínguez, asegurou hoxe que a reforma de rúas que se está a desenvolver no Casco Vello "é unha actuación como nunca se fixera ata o de agora" no barrio. Na visita que realizou hoxe as obras acompañado do concelleiro de Patrimonio Histórico, Eudosio Álvarez, explicou que se está a traballar nun total de 16 rúas sobre unha superficie de 8.716 metros cadrados cun investimento de 3,7 millóns de euros.
mércores, 13 mai 2009
O CAT- Centro de Artesanía Tradicional- organiza un ciclo de conferencias con título "O fin? Do rural? Galego?" que se celebra durante este mes de maio no auditorio do Edificio Municipal do Areal. O xoves, 14 ás 19:30 , José Antonio Fernández de Rota, catedrático de antropoloxía social da Universidade da Coruña falará sobre "A urbanización intensa do campo e os seus resistentes".
martes, 12 mai 2009
O CAT Centro de Artesanía Tradicional de Vigo e o Instituto Camões acollen a mostra "CONTORNOS II Exposición itinerante de madeira torneada" que se poderá visitar do 12 ao 28 de maio. A exposición compleméntase cunha demostración de tornería en horario de mañá os martes e xoves.
luns, 11 mai 2009
O CAT Centro de Artesanía Tradicional de Vigo, equipamento dependente do servizo de Patrimonio Histórico, inaugura o martes día 12 a mostra "CONTORNOS II Exposición itinerante de madeira torneada".
mércores, 6 mai 2009
O concelleiro de Patrimonio Histórico, Eudosio Álvarez, presentou este mércores o ciclo "O fin do rural galego", integrado pola celebración de conferencias, a proxección dun documental e unha mesa redonda, que terá lugar ao longo do mes de maio no Auditorio Municipal do Areal. O programa comeza mañá, ás 19.30 horas, coa conferencia impartida pola profesora de Antropoloxía da Universidade de Santiago de Compostela, Nieves Herrero, baixo o título "As Encrobas: un caso de transformación social en Galicia".
