venres, 23 set 2005
Continuando coas actividades complementarias que xiran arredor da exposición "Beleza e Utilidade. Artesanía Tradicional en Galiza", este fin de semana a xente que desexe poderá achegarse a Casa das Artes de Vigo, onde disfrutarán dunha demostración en vivo sobre o oficio das redeiras da man de Consuelo Martínez.
luns, 19 set 2005
A Casa do Cesteiro ten aberto o prazo de inscrición ata o 30 deste mes para participar no programa formativo de cestería tradicional en Galicia. Os curso de carácter gratuíto comezarán no mes de outubro.
venres, 16 set 2005
O artesán Javier Fernández Lage, especialista en facer sellas, tamén coñecidas como baldes, fará unha demostración en vivo do seu saber tradicional sobre a madeira , a fin de semana na Casa das Artes. Esta demostración ven formar parte da actividade "un fin se semán cos artesáns" complementaria da exposición Beleza e Utilidade Artesanía Tradicional en Galiza.
A charla enmárcase nas actividades didácticas programadas na exposición "Beleza e utilidade: a artesanía tradicional en Galicia"
martes, 13 set 2005
Continuando coas actividades de divulgación que se están a levar a cabo con motivo da exposición Beleza e Utilidade. Artesanía Tradicional en Galiza, o xoves 15 de setembro na planta 1ª da Casa das Artes de Vigo, ás 20:00 h terá lugar unha conferencia sobre a fala dos canteiros que correrá a cargo de Xorxe Rodrigues Gómes.
luns, 11 xul 2005
O concelleiro de Patrimonio Histórico, Ignacio Lopez-Chaves , entregou o luns os diplomas do programa formativo en cestería tradicional da Casa do Cesteiro. Os cursos orientáronse á cestería de colmo, cestería de madeira fendida, cestería de vimbio con pel, vimbio pelado e principios básicos da cestería tradicional galega.
mércores, 1 xuñ 2005
A localidade portuguesa de Melgaço celebrará os próximos días 3,4 e 5 de xuño o encontro "Galiza e Norte de Portugal: un patrimonio para o futuro", evento para a promoción da Candidatura de Patrimonio Inmaterial Galego-Portugués á Unesco".O Concello de Vigo participa neste evento a través das concellerías de Patrimonio Histórico co centro de Artesanía Tradicional –CAT- e co servizo de Normalización Lingüística.<br />
venres, 13 mai 2005
A artesán Patricia Puga Gómez estará, o sábado día 14, no CAT para facer unha demostración en vivo sobre o oficio do traballo en coiro. Albardas, mulidas, colares serán algún dos obxectos que o público poderá ollar, así como ferramentas tradicionais empregadas por estes artesáns.
Dirixidos a calquera persoa que queira achegarse a este oficio tradicional
venres, 6 mai 2005
A Concellería de Patrimonio Histórico do Concello de Vigo, por medio da Casa do Cesteiro e Centro de Artesanía Tradicional, vén de convocar oito cursos de verán sobre outras tantas especialidades no oficio da cestería. Estes cursos, abertos a todo tipo de persoas interesadas, teñen unha duración de 45 horas con formación intensiva durante 10 días laborables seguidos, en horarios de mañán e tarde. Os primeiros cursos darán comezo o 20 de xuño e os últimos o 12 de setembro.
xoves, 21 abr 2005
O concelleiro delegado de Patrimonio Histórico, Ignacio López-Chaves, e o vicerreitor de Investigación da Universidade de Vigo, Salustiano Mato, asinaron un convenio para a musealización da vila romana de Toralla, polo cal o Concello achegará 150.837,8 euros.
Será presentado o venres 18 de marzo no Museo Mar de Galicia
mércores, 16 mar 2005
O venres 18 de marzo presentarase no Museo do Mar o documental "Cestos do Mar de Vigo" xunto cunha mostra de cestería. A iniciativa parte do Concello de Vigo, conta coa financiación déste e da Deputación de Pontevedra e co asesoramento do Centro de Artesanía Tradicional.