martes, 3 feb 2004
Un ano máis a Concellería de Patrimonio Histórico do Concello de Vigo organiza este Seminario dirixido a tódalas persoas interesadas pola arte románica. Esta actividade, dirixida polo profesor Xabier Ocaña Eiroa, adícase nesta a súa VIII edición ó estudio da simboloxía románica nas portas das igrexas medievais da rota xacobea.
martes, 23 dec 2003
O CAT, Centro de Artesanía Tradicional de Vigo, da concellería de Patrimonio Histórico continua coa exposición itinerante " A artesanía Tradicional. Un patrimonio actual" percorrendo as asociacións veciñais e entidades culturais de Vigo e o seu contorno. A mostra ofrece unha amplia visión dos oficios tradicionais de Galicia.
mércores, 10 dec 2003
A Comisión de Goberno ven da aprobar o texto do convenio de colaboración entre o Concello de Vigo e a Asociación de Comerciantes "Os Peiraos" para a difusión do Centro Comercial Aberto "Vigo Vello" mediante elementos de sinalización horizontal e vertical que sirvan como identificadores do mesmo, así como a colocación na fachada dos establecementos asociados dunha placa identificativa de aceiro inoxidable.
luns, 17 nov 2003
O Servicio municipal de Patrimonio Histórico iniciará mañá o peche preventivo mediante valado metálico provisional do perímetro do xacemento arqueolóxico castrexo situado na Avda. Xosé Mª Álvarez Blázquez na ladeira oeste do parque do Castro de Vigo.
mércores, 12 nov 2003
A posta en marcha dun "plan de choque" no Casco Vello para resolver as carencias desta zona da cidade foi un dos acordos alcanzados esta mañá nunha xunta entre os concelleiros de Patrimonio Histórico e Vía Urbana, Xosé Carlos Arias e Miguel Barros, respectivamente, con técnicos municipais.
martes, 11 nov 2003
Os servicios municipais de Patrimonio Histórico e de Promoción Económica e Emprego iniciaron hoxe unha colaboración para acometer un programa de pequenas reparacións e mellora estética de elementos deteriorados no espacio público do Casco Vello.
martes, 4 nov 2003
O Alcalde de Vigo, Ventura Pérez Mariño, asegura que é preciso seguir traballando co resto das Administracións Públicas para conseguir recuperar de xeito integral o Casco Vello da cidade. Acompañado polos concelleiros de Patrimonio Histórico e Seguridade, Xosé Carlos Arias e Xulio Calviño, respectivamente, e representantes veciñais, Pérez Mariño percorreu as rúas do barrio histórico.
xoves, 30 out 2003
O Concelleiro de Cultura e Patrimonio Histórico, Xosé Carlos Arias, presentou hoxe a constitución da Comisión do Museo de Castrelos que ten como finalidade realizar un estudio organizativo e definir o modelo museográfico da entidade. A Comisión tratará tamén a necesidade de realizar obras de saneamento no Museo que se executará con cargo ós presuposto do próximo ano cun investimento de 102.000€ por parte de operarios da concellería de Vías e Obras.
mércores, 29 out 2003
O concelleiro de Patrimonio Histórico, Xosé Carlos Arias, asegura que o Casco Vello precisa dun mantemento constante para evitar procesos de degradación. Ao longo dun percorrido pola zona para detectar posibles problemas, Arias, que estivo acompañado por técnicos municipais, explicou que o obxectivo da visita era detectar hipotéticos puntos de deterioro para iniciar actuacións con urxencia.
martes, 28 out 2003
O Centro de Artesanía Tradicional (CAT) adscrito á Concellería de Patrimonio Histórico asistirá ó II salón de Turismo, Artesanía e Gastronomía, "ExpoGalaecia 2003" que se celebrará no Instituto Feiral de Vigo entre o 30 de outubro e o 2 de novembro. Tamén participará en "Galiemprego" que terá lugar en Santiago de Compostela do 13 ao 15 de novembro.