Alumnos do CAT realizan unha demostración de cestería tradicional
Profesores e alumnos do curso de cestería tradicional do Centro de Artesanía Tradicional do Concello realizaron este venres unha demostración deste antigo oficio na fortaleza de San Sebastián.
O curso de cestería tradicional remata agora a súa temporada de inverno para dar paso aos cursos de verán, nos que se inclúen a actividade para nenos "Imos facer un cesto" e un curso de elaboración de cestos con corozas. O curso de inverno reanudarase en setembro e finalizará en decembro. Neste curso participan uns 20 alumnos, divididos en grupos de mañá e de tarde.
A demostración de cestería tradicional deste venres é unha das actuacións do CAT de cara á dinamización do Casco Vello, e especialmente do seu barrio alto, unha das zonas máis descoñecidas da nosa cidade pero cun enorme potencial cultural e histórico.
A demostración de cestería tradicional deste venres é unha das actuacións do CAT de cara á dinamización do Casco Vello, e especialmente do seu barrio alto, unha das zonas máis descoñecidas da nosa cidade pero cun enorme potencial cultural e histórico.
