Caballero reclama o apoio dos empresarios para conseguir a autoestrada do mar
Abel Caballero reuniuse este xoves no seu despacho da Alcaldía da rúa Areal cos membros da Xunta Directiva do Club Financeiro para tratar temas relevantes para o desenvolvemento de Vigo como o das futuras autoestradas do mar.
Caballero afirmou que fará todo o posible para que Vigo sexa a primeira cidade do mundo desde onde parta unha autoestrada do mar. Con este obxectivo, solicitou o apoio de todos os empresarios para que o Porto de Vigo sexa o elixido a tal fin, nunha decisión que deberá tomar Portos do Estado no próximo mes de setembro.
O alcalde sinalou que o Porto de Vigo non necesita dotarse de ningunha outra infraestrutura para acoller a autoestrada do mar, xa que pode aproveitar a que actualmente lle permite manter unha vía de comunicación marítima coa cidade francesa de Saint-Nazaire. Nesta mesma liña, Caballero engadiu que o Porto non necesita un novo recheo.
A deste xoves foi a última visita da Xunta Directiva do Club Financeiro á Alcaldía antes da súa renovación, prevista para a semana que vén.
O alcalde sinalou que o Porto de Vigo non necesita dotarse de ningunha outra infraestrutura para acoller a autoestrada do mar, xa que pode aproveitar a que actualmente lle permite manter unha vía de comunicación marítima coa cidade francesa de Saint-Nazaire. Nesta mesma liña, Caballero engadiu que o Porto non necesita un novo recheo.
A deste xoves foi a última visita da Xunta Directiva do Club Financeiro á Alcaldía antes da súa renovación, prevista para a semana que vén.
