A charla enmárcase nas actividades didácticas programadas na exposición "Beleza e utilidade: a artesanía tradicional en Galicia"

Conferencia sobre a fala dos canteiros impartida por Xurxo Rodríguez Gómes

martes, 13 set 2005

Continuando coas actividades de divulgación que se están a levar a cabo con motivo da exposición Beleza e Utilidade. Artesanía Tradicional en Galiza, o xoves 15 de setembro na planta 1ª da Casa das Artes de Vigo, ás 20:00 h terá lugar unha conferencia sobre a fala dos canteiros que correrá a cargo de Xorxe Rodrigues Gómes.

Entrega de diplomas dos cursos de cestería tradicional

luns, 11 xul 2005

O concelleiro de Patrimonio Histórico, Ignacio Lopez-Chaves , entregou o luns os diplomas do programa formativo en cestería tradicional da Casa do Cesteiro. Os cursos orientáronse á cestería de colmo, cestería de madeira fendida, cestería de vimbio con pel, vimbio pelado e principios básicos da cestería tradicional galega.

O Concello participa no encontro "Galicia e Norte de Portugal: un patrimonio para o futuro"

mércores, 1 xuñ 2005

A localidade portuguesa de Melgaço celebrará os próximos días 3,4 e 5 de xuño o encontro "Galiza e Norte de Portugal: un patrimonio para o futuro", evento para a promoción da Candidatura de Patrimonio Inmaterial Galego-Portugués á Unesco".O Concello de Vigo participa neste evento a través das concellerías de Patrimonio Histórico co centro de Artesanía Tradicional –CAT- e co servizo de Normalización Lingüística.<br />

Dirixidos a calquera persoa que queira achegarse a este oficio tradicional

A Casa do Cesteiro convoca cursos intensivos de formación durante o verán

venres, 6 mai 2005

A Concellería de Patrimonio Histórico do Concello de Vigo, por medio da Casa do Cesteiro e Centro de Artesanía Tradicional, vén de convocar oito cursos de verán sobre outras tantas especialidades no oficio da cestería. Estes cursos, abertos a todo tipo de persoas interesadas, teñen unha duración de 45 horas con formación intensiva durante 10 días laborables seguidos, en horarios de mañán e tarde. Os primeiros cursos darán comezo o 20 de xuño e os últimos o 12 de setembro.

Aberto o prazo de inscrición para os cursos de cestería tradicional

venres, 25 feb 2005

A concellería de Patrimonio Histórico, por medio do Centro de Artesanía Tradicional e Casa do Cesteiro, ten aberto o prazo de inscrición , ata o 4 de marzo, dos cursos de cestería tradicional de Galicia. Neste ano, ademais dos cursos habituais dirixidos a desempregados para formarse profesionalmente neste oficio artesano, convócanse cursos en horario de tarde dirixidos a todas aquelas persoas que, con ou sen relación coa Cestería, busquen unha aproximación ás técnicas e pezas da cestería tradicional de Galicia.